WAKANER:વાંકાનેર વઘાસીયા ટોલનાકા પાસે હિટ એન્ડ રન, અજાણ્યા કાર ચાલકે બાઈક સવાર યુવાનને ઠોકર મારી
WAKANER:વાંકાનેર વઘાસીયા ટોલનાકા પાસે હિટ એન્ડ રન, અજાણ્યા કાર ચાલકે બાઈક સવાર યુવાનને ઠોકર મારી
વાંકાનેરના વઘાસીયા ટોલનાકા નજીક એક હિટ એન્ડ રનની ઘટના સામે આવી છે. જેમાં ઢુવા તરફથી બાઈક લઈને ઘરે પરત ફરી રહેલા યુવાનને પાછળથી પૂરઝડપે આવતી એક અજાણ્યા કાર ચાલકે જોરદાર ઠોકર મારી હતી. અકસ્માત સર્જી કાર ચાલક ઘટનાસ્થળેથી નાસી છૂટ્યો હતો, જ્યારે ઈજાગ્રસ્ત યુવાનને સારવાર અર્થે હોસ્પિટલ ખસેડવામાં આવ્યો હતો.
વાંકાનેરની અમરનાથ સોસાયટીમાં રહેતા રાજદીપસિંહ અનિરુદ્ધસિંહ ઝાલા (ઉ.વ. ૩૦) એ આ મામલે ફરિયાદ નોંધાવી છે. પોલીસ ફરિયાદ મુજબ: ગત તારીખ ૧૫ ના રોજ આ અકસ્માત સર્જાયો હતો. ફરિયાદીના મોટાભાઈ નરેન્દ્રસિંહ અનિરુદ્ધસિંહ ઝાલા (ઉ.વ. ૩૪) પોતાનું બાઈક (GJ 13 BF 0757) લઈને નવા ઢુવા કામેથી વાંકાનેર ઘરે પરત ફરી રહ્યા હતા. વઘાસીયા ટોલનાકા પહેલા આવેલા ઇંટોના ભઠ્ઠા પાસે.
અકસ્માતનો પ્રકાર નરેન્દ્રસિંહ જ્યારે રસ્તા પરથી પસાર થઈ રહ્યા હતા, ત્યારે પાછળથી આવતી એક અજાણી ફોર વ્હીલના ચાલકે ગફલતભરી રીતે વાહન ચલાવી બાઈકને પાછળથી ટક્કર મારી હતી. ટક્કર એટલી જોરદાર હતી કે નરેન્દ્રસિંહ રોડ પર પટકાયા હતા અને તેમને માથા તેમજ શરીરના અન્ય ભાગોમાં ગંભીર ઈજાઓ પહોંચી હતી.
અકસ્માત બાદ ઈજાગ્રસ્ત યુવાનને તાત્કાલિક હોસ્પિટલ ખસેડવામાં આવ્યા હતા, જ્યાં પ્રાથમિક સારવાર બાદ તેમને રજા આપવામાં આવી છે. વાંકાનેર સીટી પોલીસે રાજદીપસિંહની ફરિયાદના આધારે નાસી છૂટેલા અજાણ્યા કાર ચાલક વિરુદ્ધ ગુનો નોંધી, સીસીટીવી ફૂટેજ અને અન્ય પુરાવાઓના આધારે વધુ તપાસ હાથ ધરી છે.
