WAKANER:વાંકાનેર તાલુકાને ઐતિહાસીક સૌથી મોટી સિંચાઈની ભેટ આપનાર સીંચાઈ મંત્રીને આભારનો વરસાદ વરસ્યો
WAKANER:વાંકાનેર તાલુકાને ઐતિહાસીક સૌથી મોટી સિંચાઈની ભેટ આપનાર સીંચાઈ મંત્રીને આભારનો વરસાદ વરસ્યો
વાંકાનેર તાલુકાના ઈતિહાસમાં સિંચાઈ માટેની સૌથી મોટી ભેટ એટલે સિંચાઈની બે યોજના થકી વાંકાનેર તાલુકાના ૪૧ ગામોને સીંચાઈનો લાભ મળતા વાંકાનેર પંથકમાં ખુશીની લાગણી સાથે તાલુકા ભાજપ પ્રમુખ, પુર્વ તાલુકા ભાજપ પ્રમુખ, ગુજરાત ભાજપ પ્રદેશ સભ્ય, તાલુકા પંચાયત પ્રમુખ, ચેરમેન, સદસ્યશ્રીઓ, સરપંચો, સહિત તમામ સમાજના રાજકીય આગેવાનો દ્વારા વિડિયો મારફતે ગુજરાત રાજ્યના મુખ્યમંત્રીશ્રી ભૂપેન્દ્રભાઈ પટેલ અને સિંચાઈ વિભાગના કેબિનેટ મંત્રીશ્રી કુંવરજીભાઈ બાવળિયાનો આભાર વ્યક્ત કરવામાં આવ્યો.આ બંને યોજના વીશે વધુ માહીતી આપતા વાંકાનેર તાલુકા પંચાયતના કારોબારી ચેરમેન જીજ્ઞાસાબેન મેરે જણાવ્યું
(૧) વાંકાનેર તાલુકાના વિવિધ ૩૪ ગામોની સિંચાઈ યોજના
વાંકાનેર તાલુકાના ૩૪ ગામો જેમાં સમથેરવા, ઓળ, ભીમગુડા, વીડી જાંબુડીયા, રાજગઢ, પલાસ, વરડુંસર, નાગલપર, જામસર, મકતાનપર, આણદપર, માટેલ, વીરપર, રાતાવીરડા, સરતાનપર, ઢૂવા, લાકડધાર, ગાંગીયાવદર, રાજસ્થળી, દેરાળા, ખાનપર, લૂણસર, ચિત્રાખડા, ભેરડા, પાડધરા, વિઠ્ઠલપર, ભાયાતી જાંબુડીયા, જાલી, બોકડથંભા, નવા લૂણસરીયા, પલાસડી, ધમલપર, હશનપર અને સરધારકા ગામોને સિંચાઈ નો લાભ મળશે. આ યોજના માટે ગુજરાત સરકાર દ્વારા રૂ. ૧૭૭.૦૦ કરોડની વહીવટી મંજૂરી આપવામાં આવી છે. આ યોજના અંતર્ગત સુરેન્દ્રનગરના થાનગઢમાં પ્રસ્થાપિત સૌની યોજના લિંક – ૩ પેકેજ – ૩ના હયાત પમ્પિંગ સ્ટેશનનો ઉપયોગ કરી ૩૪ ગામોને ૧૫૦ કિલોમીટર લંબાઈની પાઈપલાઈન નેટવર્કથી સાંકળવાનું આયોજન થયેલ છે. આ યોજના થી આશરે ૧૧,૫૦૦ એકર વિસ્તારની સિંચાઈની સુવિધા સુદ્ધઢ થશે.
(૨) ત્રિવેણી ઠાંગા સિંચાઈ યોજના
વાંકાનેર તાલુકાના ઠીકરીયાળા, મેસરીયા, અને જાલીડા નાની સિંચાઈ યોજના થકી ૭ ગામો જેમાં ઠીકરીયાળા, ભલગામ, જાલીડા, મેસરીયા, સમઢીયાળા, રાતડીયા અને મહીકા સહિત ચોટીલા તાલુકાના ૧૭ થી વધુ ગામોને સિંચાઈનો લાભ મળશે. આ યોજના માટે ગુજરાત સરકાર દ્વારા રૂ. ૨૫૬.૦૦ કરોડની વહીવટી મંજૂરી આપવામાં આવી છે. જેના દ્વારા ૧૩,૫૦૦ એકર વિસ્તારની સિંચાઈની સુવિધા સુદ્ધઢ થશે. આ યોજનામાં વાંકાનેર તાલુકાના હજુ બાકી રહેતા વિવિધ ગામોના મોટા તળાવો જોડાવાનું કામ કાર્યરત છે.
– આ બંને યોજનાના આલેખન આખરીકરણ બાદ ટૂંક જ સમયમાં ટેન્ડર બહાર પાડી સ્થળ પર કામગીરી હાથ ધરવામાં આવશે.
