નવસારી ARTO કચેરી દ્વારા સિલ્વર અને ગોલ્ડન નંબરની ફાળવણી માટે ઓનલાઈન E-AUCTION શરૂ કરવામાં આવ્યું
વાત્સલ્યમ સમાચાર
મદન વૈષ્ણવ
નવસારી,તા.૧૯: એ.આર.ટી.ઓ. કચેરી, નવસારી દ્વારા મોટરીંગ પબ્લીકની સગવડતા માટે સિલ્વર અને ગોલ્ડન નંબરની ફાળવણી માટે ઓનલાઇન E-AUCTION શરૂ કરવામાં આવી હતી. અત્રેની કચેરીમાં MOTOR CYCLE (મોટર સાયકલ)નાં નંબર માટેની સીરીઝ GJ21-BQ/BR/BS/DA/DB/DC/DD/DE/DF-0001 થી GJ21- BQ/BR/BS/DA/DB/DC/DD/DE/DF-9999 (બાકી રહેલા નંબરો) E-AUCTION માટે શરૂ કરવામાં આવેલ છે. તો ઇચ્છા ધરાવનાર વાહન માલિકો તેમનાં વાહનનું રજીસ્ટ્રેશન કરાવી ઓનલાઈન http://parivahan.gov.in/fancy પર ઓનલાઇન રજીસ્ટ્રેશન કરી E-AUCTION માં ભાગ લઇ શકશે. જેના માટે તા.૨૪/૦૫/૨૦૨૫ થી તા.૨૬/૦૫/૨૦૨૫ સુધીનાં રોજ E-AUCTION ONLINE માટે ફોર્મ રજીસ્ટ્રેશન કરાવવાનાં રહેશે અને એપ્લીકેશન કરવાની રહેશે. તા.૨૬/૦૫/૨૦૨૫ થી તા.૨૮/૦૫/૨૦૨૫ નાં રોજ E-AUCTION & Bidding કરવાનું રહેશે. તા.૨૯/૦૫/૨૦૨૫નાં રોજ ફોર્મ અત્રેની કચેરીએ જમા કરાવવાનાં રહેશે.
વધુમાં ફેન્સી નંબર મેળવવા ઇચ્છુક અરજદારોએ ઉપર દર્શાવેલ વેબસાઇટ ઉપર જઈને સી.એન.એ. ફોર્મ વાહન ખરીદીનાં સાત (૭) દિવસમાં અચુક ઓનલાઈન ભરી દેવાનું રહેશે. વાહનનાં સેલ લેટરમાં સેલ તારીખથી ૬૦ દિવસનાં અંદરનાં જ અરજદારોએ હરાજીમાં ભાગ લેવા અરજી કરી શકાશે. સમય બહારની અરજીઓ રદ કરવામાં આવશે. એમ સહાયક પ્રાદેશિક વાહન વ્યવહાર અધિકારીશ્રી નવસારીની અખબારી યાદીમાં જણાવાયું છે.
