મોજી સ્ટેન્ડ પાસે થયેલા હાફ મર્ડર કેસમાં બે આરોપીઓ ને કોર્ટે ૧૦ વર્ષની સજા અને દંડ ફટકાર્યો
– જમીન બાબત ના ઝઘડા માં ધારીયા વડે જીવલેણ હુમલો કર્યા ની ઘટના નર્મદા ડિસ્ટ્રીક્ટ & સેસન્સ કોર્ટ માં ચાલી જતા હુકમ
જુનેદ ખત્રી : રાજપીપલા
નર્મદા જિલ્લાના નાંદોદ તાલુકાના મોજી ગામના સ્ટેન્ડ પાસે બનેલી હાફ મર્ડર ની ઘટનામાં બે આરોપીઓ ને કોર્ટે દસ વર્ષની સજા અને દંડ ફટકારતો હુકમ કર્યો છે
મળતી વિગતો અનુસાર ફરિયાદ કરનાર રસીકભાઈ ચંપકભાઈ વસાવા નાઓ તા. ૦૧/૦૯/૨૦૨૦ ના રોજ તેમના પિતા ચંપકભાઇ સાથે મૌજી સ્ટેન્ડ આવેલ અને ત્યાથી ખુટાઆંબા ચાલતા જતા હતા ત્યારે મૌજી સ્ટેન્ડ પાસે નરેશભાઇ જેનાભાઇ વસાવા જેનુ ખેતરમા બીજુ ઘર હોય જે અમને જોઇ જતા હાથમા ધારીયુ તથા અમૃતભાઇ વસાવા જે પણ નરેશના ઘેર હોય તે તથા નરેશભાઇ ની પત્ની પદમાબેન વસાવા દોડી આવીને નરેશભાઇ મારા પિતાને કહેવા લાગેલ કે તારે જમીન જોઇએ છીએ તેમ જણાવી તેના હાથમાનુ ધારીયુ મારા પિતાને મારી નાખવાના ઇરાદા સાથે માથા મા ઉપરના ભાગે મારી દેતા મારા પિતા જમીન પર પડી ગયેલા જેથી નરેશ ઉપરા ઉપરી ધારીયુ મારતા મારા પિતાને બન્ને પગના ગુઠણ થી નીચે ત્રણ ઘા ઉંડા થઈ ગયેલા અને નરેશભાઇ સાથે આવેલ તેની પત્ની તથા અમૃતભાઇ ગમેતેમ ગાળો બોલી લાતોથી માર મારવા લાગેલા અને પાતાવી નાખવા માટે નરેશને ઉશ્કેરણી કરતા હતા જેથી નરેશે ધારીયા નો બીજો ઘા મારા પિતાને ડાબાહાથની કોણીએ મારતા પિતા બચવા માટે બુમાબુમ કરતા મે તેઓને છોડાવવા જતા આ ત્રણેવ જણ મને પણ ગમેતેમ ગાળો બોલવા લાગેલા જેથી હુ એકલો હોવ અને મારા પિતાને ગંભીર ઇજાઓ થયેલ હોવાથી આ લોકો મને પણ મારશે તેવો ડર લાગતા હુ ગામમા ભાગી આવેલો અને મારા કાકા રાયસીંગભાઇ વસાવા, શાંતિલાલ વસાવા ને બોલાવી જગ્યાએ આવતા મારા પિતા રોડની બાજુમા લોહી લુહાણ હાલતમા પડેલા હતા અને ત્રણે જણા ભાગી ગયેલા હતા.ત્યારબાદ મારા પિતાને રાજપીપલા સિવિલ હોસ્પિટલમા લાવી દાખલ કરેલ છે. અને ત્યા પ્રાથમીક સારવાર આપી વડોદરા સરકારી દવાખાનામા લઈ ગયા બાદ ફરીયાદ આપતા આ કેસ કોર્ટ માં ચાલી જતા સરકાર તરફે જિલ્લા સરકારી વકીલ જીતેન્દ્રસિંહ જે ગોહિલ હાજર રહી દલીલો કરતા ડિસ્ટ્રીક્ટ એન્ડ સેસન્સ જ્જ આર ટી પંચાલ એ સરકારી વકીલજે જે ગોહિલની ધારદાર દલોલો ને ગાહ્ય રાખી આરોપી માં નરેશભાઈ જનાભાઇ ઉર્ફે જેનાભાઇ વસાવા તેમજ અમૃતભાઈ જેનાભાઇ વસાવા નાઓને 10 વર્ષ ની સખત કેદ તથા બંને ને કુલ 13000/-/-નો દંડ નો હુકમ કર્યો છે.
