વાત્સલ્યમ્ સમાચાર
દિપક પટેલ-ખેરગા
મ
ખેરગામ તાલુકાની બાવળી ફળિયામાં ગૌચરણ જમીનના ગેરવહીવટ, ગેરકાયદેસર ફાળવણી અને ગેરકાયદેસર વેચાણ મામલે તાલુકા કોંગ્રેસ સમિતિ દ્વારા ગ્રામજનોની વ્યથા સાંભળી મુખ્યમંત્રી શ્રીને લેખિત રજૂઆત કરવામાં આવી છે.
ગૌચર જમીન મુદ્દે ખેરગામ તાલુકા કોંગ્રેસની મુખ્યમંત્રીને રજૂઆત ગામની જુની ગૌચરણ જમીન — બ્લોક નં. ૧૩૫૭, ૧૩૫૯, ૧૩૬૦ તેમજ નવા બ્લોક નં. ૧૮૩૮, ૧૮૪૩, ૧૮૫૬, ૧૮૫૮ — વર્ષોથી પશુઓના ચરાણ માટે વપરાતી હતી. પરંતુ આ જમીન એક માજી સૈનિકને શરતોના ભંગ સાથે ફાળવાઈ, લાંબા સમય સુધી પડતર રહી અને બાદમાં ગેરરીતે વેચી દેવામાં આવી હોવાનું ગ્રામજનોએ રજૂઆત કરી છે.હાલ આ ગૌચર જમીન પર ગેરકાયદેસર બાંધકામ તેમજ બિનખેતી ફેરફાર થઈ રહ્યા છે, જેના કારણે ગૌચર જમીનનો સીધો નાશ થયો છે. પરિણામે ગરીબ, આદિવાસી અને જમીનવિહોણા પશુપાલકોની આજીવિકા પર ગંભીર અસર પડી રહી છે.તાલુકા કોંગ્રેસ સમિતિએ સ્પષ્ટ જણાવ્યું કે ગૌચર જમીન ગરીબ અને પશુપાલકોના જીવન સાથે સીધે જોડાયેલી છે અને આ મુદ્દે જ્યાં સુધી ન્યાય નહીં મળે ત્યાં સુધી પાર્ટી તરફથી લડત સતત ચાલુ રહેશે.આ મામલે કોંગ્રેસ સમિતિએ સરકાર સમક્ષ તાત્કાલિક તપાસ હાથ ધરવા, ગેરકાયદેસર બાંધકામ બંધ કરાવવા તેમજ ગૌચર જમીન ખાલસા જાહેર કરી ફરીથી ગ્રામ પંચાયતને સોંપવાની માંગ કરી છે.આ રજૂઆત કાર્યક્રમમાં ધારાસભ્ય શ્રી અનંતભાઈ પટેલ, જિલ્લા કોંગ્રેસ પ્રમુખ શ્રી શૈલેષભાઈ પટેલ, તાલુકા કોંગ્રેસ પ્રમુખ શ્રી શશિન પટેલ, શુભાષભાઈ પટેલ, વિભાબેન, નિલમબેન, પુરવભાઈ, ઠાકોરભાઈ, વિનોદભાઈ, નિતીનભાઈ, ઝરણાબેન, વિમલભાઈ, નેહલ સહિત અનેક સ્થાનિક આગેવાનો તથા બાવળી ફળિયાના મોટી સંખ્યામાં ગ્રામજનો ઉપસ્થિત રહ્યા હતા.
