આણંદ ખાતે વાસ્મોની બેઠકમાં રૂપિયા 55.41 લાખની નવીન 8 યોજનાઓ મંજૂર કરવામાં આવી
આણંદ ખાતે વાસ્મોની બેઠકમાં રૂપિયા 55.41 લાખની નવીન 8 યોજનાઓ મંજૂર કરવામાં આવી
તાહિર મેમણ -આણંદ – આણંદ ખાતે જિલ્લા કલેકટર અધ્યક્ષસ્થાને આજરોજ જિલ્લા જળ અને જાહેર સ્વચ્છતા સમિતિની બેઠક યોજાઈ હતી. જિલ્લા કલેક્ટર દ્વારા સંબંધિત અધિકારીઓને જિલ્લાના નાગરિકોને સ્વચ્છ પીવાનું પાણી ઉપલ્બધ થાય તે માટે તાકીદ કરી હતી.
આ બેઠકમાં ગુજરાત પાણી પુરવઠા અને ગટર વ્યવસ્થા બોર્ડ તેમજ વાસ્મોની ઓગમેંન્ટેશન, બોર તથા મીની યોજના કાર્યક્રમ હેઠળ રૂપિયા 55.41 લાખની નવીન 8 યોજનાઓ મંજુર કરવામાં આવી હતી. જેમાં બોરસદ તાલુકાના ડભાસી સહિત અન્ય 7 ગામોનો સમાવેશ થાય છે. આ યોજના અંતર્ગત પીવાના પાણીની સુવિધામાં વધારો થાય તેમજ ગ્રામ ક્ક્ષાએ નિયમિત અને પુરતો પાણી પુરવઠો મળી રહે તે માટેનું આયોજન હાથ ધરવામાં આવ્યું છે, તેમ જણાવ્યું હતું. આ ઉપરાંત નવિન મંજુર કરવાની થતી યોજનાઓમાં પીવાના પાણીની યોજનાઓનું અમલીકરણ કરી શકાય તે માટે ગ્રામ પંચાયતની ચુંટણી ન થયેલ હોય અને હાલ વહીવટદાર હોય તેવા ગામોમાં નવિન પાણી પુરવઠાની યોજનાનું અમલીકરણ કરવા માટે નવિન પાણી સમિતિની રચના કરી કાર્યાન્વિત કરવા માટેની મંજૂરી આપવામાં આવી હતી. આ બેઠકમાં યુનિટ મેનેજર અને કાર્યપાલક ઇજનેર પાણી પુરવઠા બોર્ડ યાંત્રિક વિભાગ, આરોગ્ય વિભાગ, જિલ્લા ગ્રામ વિકાસ એજન્સી, આઇ.સી.ડી.એસ, જીલ્લા જળ સ્ત્રાવ એકમના અધિકારીઓ હાજર રહ્યાં હતાં.
