Rajkot: મહિલા અને બાળ અધિકારીની કચેરીની દ્વારા આયોજીત સ્પેશિયલ અવેરનેસ કેમ્પમાં ૮૫ વિદ્યાર્થીનીઓએ લીપણ આર્ટની તાલીમ લીધી
તા.૯/૯/૨૦૨૫
વાત્સલ્યમ્ સમાચાર
“મિશન શક્તિ યોજના” અન્વયે કૌશલ્ય દ્વારા રોજગારી મેળવવા ૧૦ દિવસીય સ્કીલ ડેવલપમેન્ટ થીમ અન્વયે કેમ્પનું આયોજન કરાયું
Rajkot: રાજકોટ જિલ્લા મહિલા અને બાળ અધિકારીની કચેરી દ્વારા મિશન શક્તિ યોજના હેઠળ “સંકલ્પ ડીસ્ટ્રીકટ હબ ફોર એમ્પાવરમેન્ટ ઓફ વિમેન” (DHEW) યોજનાના સ્ટાફ દ્વારા તા.૦૨ સપ્ટેમ્બર થી ૧૨ સપ્ટેમ્બર સુધી અલગ અલગ થીમ આધારિત કુલ ૧૦ દિવસ સ્પેશિયલ અવેરનેસ કેમ્પનું આયોજન કરવામાં આવી રહ્યું છે.
જે અંતર્ગત મહિકાની પંચશીલ કોલેજ ઓફ એજ્યુકેશન ખાતે “વોકેશનલ ટ્રેનીંગ એન્ડ સ્કીલ ડેવલપમેન્ટ ઈનીશીએટીવ” થીમ આધારિત લીપણ આર્ટની તાલીમ આપવામાં આવી હતી.
મહિલા અને બાળ અધિકારીશ્રી ડો. જનકસિંહ ગોહિલના માર્ગદર્શન હેઠળ ડીસ્ટ્રીકટ મિશન કો- ઑર્ડીનેટર શ્રી જેવીના માણાવદરીયા અને જેન્ડર સ્પેશિયાલિસ્ટ શ્રી સુનિતા મુંગરા દ્વારા લીપણ આર્ટ અંગેની માહિતી આપવામાં આવી હતી. સંકલ્પ ડીસ્ટ્રીકટ હબ ફોર એમ્પાવરમેન્ટ ઓફ વિમેન” (DHEW) યોજના હેઠળ લીપણ આર્ટ માટેની જરૂરી કેનવાસ બોર્ડ, કલર, ક્લે, આભલા સહિતની વસ્તુઓ આપવામાં આવી હતી. આશરે ૮૫ વિદ્યાર્થીઓ તાલીમ લીધી અને તેઓએ લીપણ આર્ટમાંથી વિવિધ નમુનાઓ તૈયાર પણ કર્યા હતા. આ તકે પ્રિન્સીપાલશ્રી અને અન્ય સ્ટાફ ઉપસ્થિત રહ્યો હતો.
