હાલોલ – નગરના શાક માર્કેટમાં પાલિકાની સરકારી જમીન ઉપર ગેરકાયદેસર કોમ્પ્લેક્સ પર પાલિકાનું બુલડોઝર ફર્યુ
રિપોર્ટર. કાદિર દાઢી.હાલોલ
તા.૨૮.૫.૨૦૨૫
હાલોલ નગરના શાક માર્કેટ માં હાલોલ નગર પાલિકાની સરકારી જમીન ઉપર ગેરકાયદેસર બનેલ બેમજલી નું વિવાદિત કોમ્પ્લેક્સ પાલિકા ધ્વારા આજે બુધવારના રોજ બુલડોઝર ફેરવી દેવામાં આવ્યું હતુ.હાલોલ નગરની મધ્યમાં આવેલ શાક માર્કેટમાં એમ.એસ. હાઈસ્કૂલની પાછળ ના ભાગે હાલોલ નગર પાલિકા વિસ્તારમાં સરકારી જમીન ઉપર ગેરકાયદેસર બે મજલી કોમ્પ્લેક્સ બનાવી દેવામાં આવ્યું હતું.જોકે અધૂરા કામ માં નગરના જાગૃત લોકો દ્વવારા વારંવાર વહીવટી તંત્રને કરેલી રજુઆત અને કરવામાં આવેલ વિરોધને લઇ તાલુકા સ્વાગતમાં આ બાબતનો પ્રશ્ન ઉપસ્થિત થતા પાલિકા દફતરે ચકાસણી કરતા પાલિકામાં કોમ્પ્લેક્સ બનાવવા બાબતે જેતે સમયે ફક્ત ઠરાવ થયો હતો.પરંતુ કોઈ તાંત્રિક મંજૂરી કે ટેન્ડર પ્રક્રિયા હાથ ધરવામાં આવી ન હતી. અને આ કોંપ્લેક્સ પાલિકા વિસ્તારમાં સરકારી જમીન ઉપર ગેરકાયદેસર બનેલું હોઈ તેને જમીનદોસ્ત કરવાનો જિલ્લા સમાહર્તાનો હુકમ થતા તેને આજે બુધવારના રોજ બપોર બાદ હાલોલ નગરપાલિકાના મુખ્ય અધિકારી હિરલબેન ઠાકર તેમજ તેમની ટીમ દ્વારા સ્થળ પર હાજર રહી કોમ્પ્લેક્સ તોડવાની કામગીરી હાથ ધરવામાં આવી હતી.ઘણા સમયથી વિવાદોમાં રહેલ આ ગેરકાયદેસર કોમ્પ્લેક્સ તોડવાનું કામગીરી શરૂ કરાતા સ્થળ પર લોકટોળા ઉમટી પડ્યા હતા અને ગેરકાયદેસર દબાણ કરતા લોકોમાં પણ ફફડાટ વ્યાપી જવા પામ્યો હતો.
