હાલોલ પંથકમાં અવકાશી યુદ્ધ એવા ઉતરાયણ પર્વની ઉજવણી બે દિવસ રંગેચંગે કરાઈ,પતંગ રસિકોમાં ભારે ઉત્સાહ જોવા મળ્યો
રિપોર્ટર. કાદિર દાઢી.હાલોલ
તા.૧૫.૧.૨૦૨૬
અવકાશી યુદ્ધ એવા ઉતરાયણ પર્વ ને લઈ હાલોલ નગર સહીત તાલુકામાં પતંગ રસિકોમાં ભારે ઉત્સાહ જોવા મળ્યો હતો. વહેલી સવાર થી જ કાઇપો છે,એ લપેટ નાં ગગન ભેદી નારાથી સમગ્ર વાતાવરણ ગૂંજી ઉઠ્યું હતું. પ્રતિ વર્ષ કરતા આ વર્ષે પવન ની ગતિ ઓછી હોવાથી પતંગ ચકાવવા માટે લોકોને ઠુમકા મારવા પડ્યા હતા.જોકે ઢળતી સાંજે પવન ફુંકાતા લોકમાં ઉત્સાહ જોવા મળ્યો હતો. ઉતરાયણ પર્વ ને લઈ ઔધોગિક એકમો તથા મોટા ભાગની સરકારી અર્ધસરકારી કચેરી ઓમ બે દિવસની રજા જાહેર કરતા લોકોએ બે દિવસ પતંગ રસીકો એ ઉતરાયણ તેમજ વાસી ઉતરાયણનો લાભ આનંદ મય રીતે લીધો હતો લોકોએ ઉતરાયણ પર્વની ઉજવણી કરવા માટે અગાઉ થી જ ધાબા ઉપર લાઉડસ્પીકર વગાડવા માટે સ્પીકર તેમજ લાઈટ બંધ રહેતા બેટરી ની વ્યવસ્થા પહેલે થી જ કરી દેવામાં આવી હતી. ઉતરાયણ પર્વ ને લઇ લોકો વહેલી સવારથી જ છત પર પતંગ ચગાવવા માટે પહોંચી ગયા હતા.લોકોને પતંગ ઉડાવવા માં વધારે મજા આવી હતી.આકાશમાં રંગ બેરંગી પતંગો ને લઈ આકાશ પણ મેઘ ધનુષ જેવું લાગી રહ્યું હતું. લોકો કાઇપો છે,એ લપેટ નાં ગગન ભેદી નારાથી ગૂંજી ઉઠ્યું હતું.ઉતરાયણ પર્વ ને લોકોએ બે દિવસ સુધી ઊંધયું,જલેબી, ફાફડા વગેરે ની જયાફત માની હતી.નગરમાં છેલ્લા દિવસે ઉતરાયણ પર્વ ને લઈ દુકાનોમાં ભારે ભીડ જોવા મળી હતી.ઉતરાયણ પર્વની રંગે ચંગે ઉજવણી કરવામાં આવી હતી.
મકરસંક્રાતિ પર્વને દિવસે દાન પુણ્ય કરવાનો મહિમા હોવાથી લોકોએ દાન પુણ્ય છુટા હાથે કરવામાં આવ્યું હતું. ગરીબોને તલ નાં લાડુ ચીકી શેરડી તથા બોર નું દાન કર્યું હતું જયારે મહિલાઓએ ગાયને ઘુઘરી ઘાસ ખવડાવી પુણ્ય કમાયા હતા.અવકાશી યુદ્ધ પર્વ માં પતંગ રસીકો ની પતંગ ચકાવવા ની માજા લૂંટી રહ્યા હતા.ત્યારે આકાશમાં ઉડતા મુંગા પક્ષિઓ પતંગના દોરાથી ઘાયલ થયા હોવાના બનાવો બન્યા હતા. જેમાં બે દિવસમાં છ કબૂતર એક બગલો અને બ્લેક આઈબીસ ( કાળી કાંકણસાર ) પતંગના દોરા થી ઘવાયા હતા. જોકે અગમચેતી ના ભાગ રૂપે હાલોલ ફાયર ટીમ દ્વવારા હેલ્પલાઇન નંબર ની જાહેરાત કરતા આ તમામ ઈજાગ્રસ્ત મુંગા પક્ષીઓ ને તાત્કાલિક સારવાર મળી જતા તેઓની હાલ પરિસ્થિતિ સારી હોવાનું જાણવા મળી આવ્યું છે અને તેને વનવિભાગ ને સોંપવમાં આવ્યા છે.
