રિપોર્ટર. કાદિર દાઢી.હાલોલ
તા.૫.૭.૨૦૨૪
7મી જુલાઈ અષાઢી બીજના દિવસે હાલોલ નગર ખાતે ભગવાન શ્રી જગન્નાથજીની નીકળનારી 38 મી રથયાત્રા ને લઇ શ્રી જગન્નાથ રથયાત્રા ઉત્સવ સમિતિ હાલોલ,હિન્દૂ સંગઠનો તેમજ વહીવટી તંત્ર દ્વારા તડામાર તૈયારીઓ થઈ રહી છેઃભગવાન શ્રી જગન્નાથજી, ભ્રાતા બલભદ્ર અને ભાગીની શુભદ્રજી જે રથમાં બિરાજમાન થઈ નગરચાર્ય કરવા નીકળવના છે તે રથ નિષ્ણાત કારીગરો દ્વારા તૈયાર કરવામાં આવી રહયો છે.જે પૂર્ણતાના આરે આખરી ઓપ આપવામાં આવી રહ્યો છે.જેને લઇ ભગવાન જગન્નાથના ભક્તો ઘણા ઉત્સુક જોવા મળી રહ્યા છે.અષાઢ સુદ બીજ ના શુભ દિને શ્રી જગન્નાથ રથયાત્રા ઉત્સવ સમિતિ હાલોલ દ્વારા પ્રતિવર્ષ ની જેમ ચાલુ વર્ષે પણ ભગવાન શ્રી જગન્નાથજીની 38 મી રથયાત્રા હાલોલ નગર ની મધ્યમાં આવેલ મંદિર ફળીયા ખાતે થી બપોરે ૪.૩૦ કલાકે કંજરી રામજી મંદિર ના મહંત શ્રી રામશરણ દાસજી મહારાજ ની પ્રેરક ઉપસ્થિતિમાં ભક્તિ સભર વાતાવરણમાં ભગવાન શ્રી જગન્નાથ, ભ્રાતા બલભદ્ર અને ભગિની સુભદ્રાજી ની શાસ્ત્રોક વિધિવત રીતે સંતો – મહંતો ના આશીર્વાદ અને તેમની ઉપસ્થિતિમાં ભક્તો દ્વારા તેમની પૂજા અર્ચના પ્રાર્થના આરતી કરી આવો ખેંચો ભગવાનનો રથ, ઉજ્જવળ બનાવો જીવન પથ. ના સંકલ્પ સાથે જય રણછોડ માખણ ચોર ના નારા સાથે સંતો-મહંતો તથા ભક્તોની ઉપસ્થિતિમાં હાલોલ નગરના મંદિર ખાતેથી રથયાત્રાનું પ્રસ્થાન કરવામાં આવશે.રથયાત્રા મંદિર ફળિયા ખાતેથી મેન બજાર, ચોકસી બજાર, ટાઉન હોલ, થઈ બોમ્બે હાઉસ તળાવ રોડ, બસ્ટેન્ડ થઈ કંજરી રોડ ચાર રસ્તા,બગીચા તરફ થઈ મંદિર ફળિયા ખાતે પરત ફરશે.આ શુભ પ્રસંગે રથયાત્રામાં સંતો મહંતો,નગરના આગેવાનો તેમજ નગરની જુદી-જુદી સામાજિક સંસ્થા અને સંગઠનના લોકો તેમજ ભક્તો મોટી સંખ્યામાં જોડાશે.ઉપરાંત ગુજરાત ના લોક ગાયક કમલેશભાઈ બારોટ લાઈવ બેન્ડ સાથે ભજનોની રમઝટ બોલશે.તેમજ ઉજ્જૈનથી ભસ્મ આરતીની ડમરૂ ટીમ પખાવજ ઢોલ સાથે ધૂમ મચાવશે તેમજ શ્રી હનુમાનજી મહારાજ તથા ભગવાન શ્રીકૃષ્ણ અને રાધા યુગલ સ્વરૂપે યાત્રાને શોભાવશે.આ શુભ પ્રસંગે લઈ રથયાત્રા શાંતિપૂર્ણ માહોલમાં સંપન્ન થાય અને કોઈ પણ પ્રકારનો કોઈ અનિછીય બનાવ ન બને તે માટે પોલીસ દ્વારા ચુસ્ત પોલીસ બંદોબસ્ત ગોઠવવામાં આવનાર હોવાનું આધારભૂત સૂત્રો દ્વારા જાણવા મળ્યું છે. ઉલ્લેખનીય છે કે આ શુભ પ્રસંગ ને લઇ હાલોલ ટાઉન પોલીસ દ્વારા શાંતિ સમિતિની બેઠક પણ યોજવામાં આવી હતી.
