નવસારી: નશાખોરી,હપ્તાખોરી દૂર કરી દારૂબંધીનો કડક અમલ કરાવવા બાબતે નવસારી મહિલા કોંગ્રેસ સમિતિનું આવેદન…
વાત્સલ્યમ સમાચાર
મદન વૈષ્ણવ
નવસારી જિલ્લા કોંગ્રેસ સમિતિની મહિલાઓ પાસે દારૂના અડ્ડાઓની વિગતો છે. જો દારૂબંધીની કડક અમલવારી ન થાય તો અમો જનતા રેડ પાડીશું અને જવાબદાર અધિકારીઓને સસ્પેન્ડ કરાવી નૈતિકતા લડાઈ લડીશું :–નવસારી જિલ્લા કોંગ્રેસ પ્રમુખ શૈલેષભાઈ પટેલ..
નવસારી જિલ્લામાં ધારાસભ્ય જીગ્નેશ મેવાણીના સમર્થન અને નશાખોરી,હપ્તાખોરી અને દારૂબંધીના કડક અમલ કરાવવા નવસારી મહિલા કોંગ્રેસ સમિતિ દ્વારા નવસારી જિલ્લા પોલીસને આવેદનપત્ર સુપરત કરવામાં આવ્યો..
નવસારી જિલ્લા મહિલા કોંગ્રેસ સમિતિ દ્વારા નશાખોરી, હપ્તાખોરી અને દારૂબંધીના કડક અમલ તથા ધારાસભ્ય જીગ્નેશ મેવાણીના સમર્થનમાં નવસારી જિલ્લા પોલીસ અધિક્ષકને સંબોધી આવેદનપત્ર આપ્યું હતું.જેમાં જણાવ્યો છે કે, ગુજરાતભરમાં આજ નો યુવાધન નશાખોરીના રવાડે ચઢી મોંત ભેટી રહ્યા છે.
ગુજરાતમાં કરોડો રૂપિયાના ડ્રગ્સનો વેપાર થઈ રહ્યો છે. આસાનીથી રાજ્યમાં દારૂ અને ડ્રગ્સ મળી રહ્યો છે. ઠેરઠેર કેમેરાઓ મૂકવામાં આવ્યા છે. છતાં દારૂ સહેલાઈથી મળી જાય છે. અને સરકારી તંત્રમાં હપ્તાખોરી ખૂબ જ વધી ગઈ છે. હપ્તાખોરી બંધ કરાવવા અને દારૂબંધી ની કડક અમલવારી કરવા નવસારી મહિલા કોંગ્રેસ સમિતિએ નવસારી જિલ્લા પોલીસવડાને આવેદનપત્ર આપી માંગણી કરી છે.
