મેંદરડા ગામના રાધે બંગલો ખાતે રાધા અષ્ટમીના પવિત્ર અવસરે એક ભવ્ય ધાર્મિક અને સાંસ્કૃતિક કાર્યક્રમનું આયોજન કરવામાં આવ્યું હતું. આ પ્રસંગે રાધે બ્લોગ ખાતે શ્રી ગણપતિ બાપા અને શ્રી રાધાજીની સ્થાપના ભક્તિભાવપૂર્વક કરવામાં આવી, જે ગામના રહીશો માટે આનંદ અને શ્રદ્ધાનું કેન્દ્ર બન્યું.કાર્યક્રમની વિશેષતા રહી નાની બાળાઓનું રાધાબાના રૂપમાં સુંદર વેશભૂષા ધારણ કરીને ગણપતિ બાપા અને રાધાજીની આરતી ઉતારવાનું દ્રશ્ય. બાળકોની ભક્તિ અને નિષ્કપટ ઉત્સાહે ઉપસ્થિત લોકોના હૃદયને સ્પર્શી લીધા. સોસાયટીના રહીશોએ એકજૂટ થઈને આ ઉજવણીને અવિસ્મરણીય બનાવી, જેમાં ધાર્મિક ભાવના સાથે ગુજરાતી સંસ્કૃતિની ઝલક પણ જોવા મળી.આ કાર્યક્રમે ગામની એકતા અને ધાર્મિક પરંપરાઓના જતનનું ઉત્તમ ઉદાહરણ પૂરું પાડ્યું છે. સ્થાનિક લોકોએ આવા કાર્યક્રમો ભવિષ્યમાં પણ ચાલુ રાખવાનો સંકલ્પ વ્યક્ત કર્યો હતો ,જેથી નવી પેઢી સંસ્કૃતિ અને ધર્મના મૂલ્યો સાથે જોડાયેલી રહે.
રિપોર્ટર :- અનિરૂધસિંહ બાબરીયા – કેશોદ
