પ્લેન ક્રેશ પીડિતોના પાર્થિવ દેહોની સોંપણી માટે રાજ્ય સરકારની તાત્કાલિક કાર્યવાહી, સંકલિત વ્યવસ્થાઓ દ્વારા પરિવારોને સહાય
રિપોર્ટર
હિતેન્દ્ર ગોસાઈ
અમદાવાદ
અમદાવાદના આંતરરાષ્ટ્રીય એરપોર્ટથી લંડન જવાના પ્રયાસ દરમિયાન થયેલા દુર્ઘટનાજનક વિમાન વિઘટન પછી સમગ્ર રાજ્ય શોકમગ્ન છે. આ દુર્ઘટનામાં અનેક લોકોના મોત થયા છે અને અનેક ઘાયલ થઈ છે. દુર્ઘટના પછી તાત્કાલિક રાહત અને સહાય માટે રાજ્ય સરકાર દ્વારા ઝડપી અને સંકલિત કામગીરી હાથ ધરવામાં આવી છે.
રાજ્યના આરોગ્ય વિભાગ અને વહીવટીતંત્ર દ્વારા મૃતકોના પાર્થિવ દેહો તેમના સ્વજનો સુધી પહોંચાડવા માટે વિશેષ વ્યવસ્થા અમલમાં મૂકાઈ છે. DNA સેમ્પલ મેચિંગની સંવેદનશીલ પ્રક્રિયા ઝડપથી પૂર્ણ થાય એ માટે અલગાલગ ટીમો કાર્યરત કરવામાં આવી છે.
સિવિલ હોસ્પિટલના D2 બ્લોક ખાતે વેરીફીકેશન સેન્ટર, વેઇટિંગ એરિયા, કન્ટ્રોલ રૂમ અને પોસ્ટમોર્ટમ રૂમ વચ્ચે સંકલિત વ્યવસ્થાઓ ઊભી કરી, પરિવારજનોને યોગ્ય માર્ગદર્શન અને સહાયતા સાથે તેમનાં આપ્તજનોના દેહો સોંપવામાં આવી રહ્યા છે.
ગુજરાત ઇન્ફોર્મેટીક્સ લિમિટેડના એમ. ડી. અને સિવિલ હોસ્પિટલના નોડલ અધિકારી અરવિંદ વિજયે માહિતી આપી કે પરિવારજનોનું વેરીફીકેશન D2 બ્લોક ખાતે કરવામાં આવે છે. પછી તેમને પીઆરઓ સાથે પોસ્ટમોર્ટમ રૂમ સુધી લઈ જવામાં આવે છે, જ્યાં દસ્તાવેજોની સોનીખોની સાથે દેહ સોંપવાની કાર્યવાહી પુરી કરવામાં આવે છે.
મૃતદેહ સાથે મૃત્યુ પ્રમાણપત્ર, અકસ્માત મૃત્યુ કેસ (AD) રિપોર્ટ, પોલીસ તપાસ, પોસ્ટમોર્ટમ નોટ, DNA મેચિંગનો FSL રિપોર્ટ તેમજ દેહ પર રહેલ ઘરેણાં અથવા સામાન પણ તેમના સ્વજનોને સોંપવામાં આવે છે.
રાજ્ય સરકારે સમગ્ર પ્રક્રિયા સરળ બનાવવાના હેતુસર 192 એમ્બ્યુલન્સ અને 591 સ્ટાફ મેમ્બરોની વિશાળ ટીમ ગોઠવી છે. દરેક પરિવાર માટે અલાયદા ટીમ ફાળવી દેવાઈ છે, જેમાં વરિષ્ઠ અધિકારી, પોલીસકર્મી, આરોગ્ય કર્મી અને કાઉન્સેલરનો સમાવેશ થાય છે, જેથી શોકગ્રસ્ત પરિવારોને દરેક પગલે માનસિક અને વ્યવહારિક સહાય મળી રહે.
બી.જે. મેડિકલ કોલેજના કસોટી ભવનમાં હેલ્પડેસ્ક અને કન્ટ્રોલ રૂમ કાર્યરત છે, જ્યાં દુર્ઘટનાથી અસરગ્રસ્ત પરિવારોને માહિતી, દિશાનિર્દેશ અને જરૂરી સહાયતા આપવામાં આવી રહી છે. ટ્રાન્સપોર્ટ, રહેવા-જમવાની તેમજ અન્ય તાત્કાલિક જરૂરિયાતો માટે પણ તંત્ર દ્વારા વ્યવસ્થા કરવામાં આવી છે.
આ દુર્ઘટના પછી રાજ્ય સરકારે જે રીતે સંકલિત રીતે કામગીરી હાથ ધરી છે, તે માનવતાની ભાવના અને શાસનના સંવેદનશીલ મુલ્યોનું પ્રતિબિંબ છે. દુઃખની આ ઘડીમાં તંત્ર દ્વારા કરવામાં આવેલી કામગીરી પીડિત પરિવારો માટે થોડીક રાહતનું કારણ બની છે.
