GUJARATRAJKOTRAJKOT CITY / TALUKO

Rajkot: પ્રાદેશિક માહિતી કચેરી, રાજકોટના ઓપરેટર શ્રી અરવિંદભાઈ વેકરીયાનો વિદાયમાન કાર્યક્રમ યોજાયો

તા.૨૯/૧૧/૨૦૨૫

વાત્સલ્યમ્ સમાચાર

Rajkot: પ્રાદેશિક માહિતી કચેરી, રાજકોટ ખાતે કાર્યકારી ફરજ બજાવતા ઓપરેટર શ્રી અરવિંદભાઈ વેકરિયાનો વિદાયમાન કાર્યક્રમ યોજાયો હતો.

સંયુકત માહિતી નિયામકશ્રી મીતેશ મોડાસીયાની અધ્યક્ષતામાં યોજાયેલા આ કાર્યક્રમમાં ઉપસ્થિત સૌએ શ્રી વેકરિયાની કાર્યનિષ્ઠાને બિરદાવી હતી. સંયુકત નિયામક શ્રી મીતેશ મોડાસીયાએ સમગ્ર કાર્યકાળ દરમ્યાન શ્રી વેકરિયાએ બજાવેલી કામગીરીના વિવિધ પાસાઓની છણાવટ કરી હતી, જયારે નાયબ માહિતી નિયામક શ્રી પ્રશાંતભાઈ ત્રિવેદીએ શ્રી વેકરિયા સાથે વીતાવેલા સમયગાળાને યાદ કરીને રાષ્ટ્રપતિશ્રી, વડાપ્રધાનશ્રી, રાજ્યપાલશ્રી મુખ્યમંત્રીશ્રી, મહાનુભાવશ્રીઓના અને સરકારશ્રીના વિવિધ કાર્યક્રમોમાં કરેલી ઉત્કૃષ્ટ વીડિયોગ્રાફીની કામગીરીની સરાહના કરી હતી.

માહિતી ખાતામાં શ્રી અરવિંદભાઈ વેકરિયાએ તેમની કારકીર્દિની શરૂઆત કચ્છ જિલ્લાના નખત્રાણા તાલુકાથી કરી હતી. ત્યાર બાદ, ધંધુકા, જામનગર, રાજકોટ, પોરબંદર સહિતના જિલ્લામાં ફરજ બજાવી હતી. તેમને રાજકોટ માહિતી પરિવાર દ્વારા પુષ્પગુચ્છ, સાકર પડો, શ્રી ફળ તથા શાલ ઓઢાડીને સન્માનિત કરાયા હતા.

કચેરીના અધિકારીઓ તથા કર્મ્ચારીઓએ શ્રી વેકરિયા સાથેના તેમના સંસ્મરણો વાગોળ્યા હતા અને તેમને નિરામય નિવૃત્તિની શુભકામના પાઠવી હતી. આ તકે શ્રી વેકરીયાએ ફરજ દરમિયાન કરેલી કામગીરીના અનેક પ્રસંગોને યાદ કરી માહિતી ખાતાના તમામ અધિકારીશ્રીઓ તથા કર્મચારીશ્રીઓનો આભાર વ્યક્ત કર્યો હતો.

આ કાર્યક્રમમાં ના.કા.ઈ.શ્રી નિલેશભાઈ વાઘેલા, સહાયક માહિતી નિયામક સર્વે શ્રી સોનલબેન જોશીપુરા, શ્રી રાધિકાબેન વ્યાસ અને શ્રી રજાકભાઈ ડેલા તથા માહિતી પરિવારનો સ્ટાફ તેમજ કર્મચારીશ્રીના પરિવારજનો ઉપસ્થિત રહ્યાં હતા. સમગ્ર કાર્યક્રમનું સંચાલન સિનીયર સબ એડિટરશ્રી સંદીપભાઈ કાનાણીએ અને આભારદર્શન માહિતી મદદનીશશ્રી રિધ્ધિ ત્રિવેદીએ કર્યું હતું.

Back to top button
error: Content is protected !!