GIR SOMNATHGUJARATUNA
ગીર ગઢડા પોલીસની શી-ટીમ દ્વારા સિનિયર સિટીઝનોને રાખડી બાંધી રક્ષાબંધન પર્વની ઉજવણી કરવામાં આવી
(ધર્મેશ જેઠવા ઉના)
ગીર ગઢડા પોલીસ સ્ટેશનની શી-ટીમ દ્વારા સિનિયર સિટીઝનોને રાખડી બાંધી રક્ષાબંધન પર્વની ઉજવણી કરવામાં આવી
ભાઈ-બહેનનો પવિત્ર તહેવાર એટલે રક્ષાબંધન ત્યારે આ પવિત્ર તહેવારના દિવસે ગીર સોમનાથ જિલ્લાના ગીર ગઢડા પોલીસ મથક વિસ્તારમાં રહેતા સિનિયર સિટીઝનોને ગીર ગઢડા પોલીસ સ્ટેશનની શી-ટીમના મહિલા પોલીસ કર્મીઓ દ્વારા રાખડી બાંધવામાં આવી હતી.
ગીર ગઢડા પોલીસ મથકે શી-ટીમ કાર્યરત છે જે હર હંમેશ સિનિયર સીટીઝન,મહિલાઓ અને બાળકોને મદદ રૂપ બને છે,શી-ટીમ દ્વારા અલગ અલગ જાગૃકતાના કાર્યક્રમો પણ યોજીને લોકોને માહિતી પ્રદાન કરવામાં આવે છે જેમાં ખાસ કરીને સિનિયર સીટીઝનને જરૂરી માર્ગદર્શન પણ પૂરું પાડવામાં આવે છે ત્યારે આજના આ ભાઈ બહેનના સંબંધનો પવિત્ર તહેવાર રક્ષાબંધનના દિવસે ગીર ગઢડા પોલીસની શી-ટીમના મહિલા પોલીસ ગીતા બહેન ડાભી સહિતના સ્ટાફ દ્વારા પોલીસ મથકના અલગ અલગ વિસ્તારોમાં રહેતા સિનિયર સીટીઝનને રાખડી બાંધી રક્ષા કવચ પૂરું પાડી રક્ષાબંધન પર્વની ઉજવણી કરી હતી.