અરવલ્લી
અહેવાલ :હિતેન્દ્ર પટેલ
અરવલ્લી : બાયડ તાલુકાની રૂપનગર ગ્રામ પંચાયત સમરસ ,તંત્ર દ્વારા વિધિસર 9 તારીખે સાંજે થશે સમરસ પંચાયતની જાહેરાત
અરવલ્લી જિલ્લાના બાયડ તાલુકાની રૂપનગર ગ્રામ પંચાયત વિભાજન બાદ તેની પ્રથમ ચૂંટણીમાં જ સમરસ જાહેર થઈ છે. આ પંચાયતમાં ભરતભાઈ પરમારને બિનહરીફ સરપંચ તરીકે જાહેર કરવામાં આવ્યા છે. અને પંચાયના ગ્રામજનો દ્વારા સમરસ જાહેર કરાઈ છે આ પ્રસંગે બાયડના ધારાસભ્ય ધવલસિંહ ઝાલા ખાસ ઉપસ્થિત રહ્યા હતા, જેમની હાજરીમાં પંચાયત સમરસ બની હતી. અગાઉ કરેલી જાહેરાત મુજબ, ધારાસભ્ય ધવલસિંહ ઝાલા દ્વારા રૂપનગર પંચાયતને વિકાસના કામો માટે રૂ. ૧૦ લાખની ગ્રાન્ટ ઇનામ સ્વરૂપે આપવામાં આવશે.૯૫૩ મતદારો ધરાવતી આ પંચાયતના સમરસ થવા બદલ ગ્રામજનો દ્વારા ભરતભાઈ પરમાર અને અન્ય સભ્યોનું ભવ્ય સ્વાગત કરવામાં આવ્યું હતું.ભરતભાઈ પરમાર ના જણાવ્યા અનુસાર “અમારી પંચાયત સમરસ બની છે તેનો અમને ખૂબ આનંદ છે. ગામના વિકાસ માટે અમે સૌ સાથે મળીને કામ કરીશું અને ધારાસભ્ય ધવલસિંહ ઝાલાનો ગ્રાન્ટ આપવા બદલ આભાર માનીએ છીએ.તેમ જણાવ્યું હતું ” ધવલસિંહ ઝાલા (ધારાસભ્ય, બાયડ) એ જણવ્યું હતું કે”રૂપનગર પંચાયત સમરસ બની તે ખૂબ જ પ્રશંસનીય બાબત છે. ગામના લોકોએ એકતા દર્શાવી છે અને આ સમરસતાથી ગામનો ઝડપી વિકાસ થશે. કરેલી જાહેરાત મુજબ, વિકાસ કાર્યો માટે ૧૦ લાખ રૂપિયાની ગ્રાન્ટ તાત્કાલિક ફાળવવામાં આવશે.”તેમ જણાવ્યું હતું
