દાહોદની ટાઈગર માર્શલ આર્ટ્સ એકેડેમીના ખેલાડીઓએ પુણેમાં ઓલ ઈન્ડિયા કરાટે કપમાં ૧૨ મેડલ જીતીને ઝળહળતી સફળતા મેળવી
તા.૨૯.૦૬.
૨૦૨૬
વાત્સલ્યમ્ સમાચાર
અજય સાંસી દાહોદ
Dahod:દાહોદની ટાઈગર માર્શલ આર્ટ્સ એકેડેમીના ખેલાડીઓએ પુણેમાં ઓલ ઈન્ડિયા કરાટે કપમાં ૧૨ મેડલ જીતીને ઝળહળતી સફળતા મેળવી
દાહોદ:પુણે ખાતે ૨૮ જૂનના રોજ આયોજિત પ્રતિષ્ઠિત ‘ઓલ ઈન્ડિયા કરાટે કપ’માં દાહોદની ટાઈગર માર્શલ આર્ટ્સ એકેડેમીના વિદ્યાર્થીઓએ શાનદાર પ્રદર્શન કરીને સમગ્ર જિલ્લાનું નામ રાષ્ટ્રીય સ્તરે રોશન કર્યું છે. આ કપમાં એકેડેમીના હોનહાર ખેલાડીઓએ પોતાની અદભુત રમતનું પ્રદર્શન કરી કુલ ૧૨ મેડલ પોતાના નામે કર્યા છે, જેમાં ૪ ગોલ્ડ મેડલ, ૩ સિલ્વર મેડલ અને ૫ બ્રોન્ઝ મેડલનો સમાવેશ થાય છે.વિજેતા ખેલાડીઓની યાદી:આ રાષ્ટ્રીય સ્પર્ધામાં એકેડેમીના નીચે મુજબના ખેલાડીઓએ મેડલ જીતીને મોટી સિદ્ધિ હાસિલ કરી છે:ગોલ્ડ મેડલ વિજેતા:વિષ્ણુ સાંસી,આરુષ અને સતાક્ષી.,સિલ્વર મેડલ વિજેતા: પ્રિયાંશુ, આરાધના અને આદિતિ.બ્રોન્ઝ મેડલ વિજેતા: જયેશ, આદિત્ય, રાજવીર, પરી અને આશી.ખેલાડીઓની આ ભવ્ય સફળતા બદલ એકેડેમીના મુખ્ય કોચ મોઈન શેખે તમામ વિજેતાઓને હાર્દિક અભિનંદન પાઠવ્યા હતા. આ પ્રસંગે તેમણે વાલીઓને એક ખાસ સંદેશ આપતા જણાવ્યું હતું કે, “આજકાલના યુગમાં ભણતરની સાથે રમતગમત પણ બાળકોના સર્વાંગી વિકાસ માટે ખૂબ જ જરૂરી છે. વાલીઓએ પોતાના બાળકોની પ્રતિભાને ઓળખીને તેમને રમતગમતના ક્ષેત્રમાં આગળ વધવા માટે સતત પ્રોત્સાહિત કરવા જોઈએ.”વાલીઓના સપોર્ટ અને ખેલાડીઓની દિવસ-રાતની સખત મહેનતને કારણે જ આજે દાહોદના બાળકો રાષ્ટ્રીય ફલક પર ચમકી રહ્યા છે. આ ભવ્ય જીત બદલ સમગ્ર દાહોદ પંથકમાં કરાટેના ખેલાડીઓ પર અભિનંદનની વર્ષા થઈ રહી છે
