ચિઠોડા પી.આઈ.ની બેદરકારી ના કારણે બજાર જડબેસલાક બંધ
રિપોર્ટર રાજેશ પંડયા સાબરકાંઠા
વિજયનગર તાલુકાના થોડા મુકામે પોલીસ મથકથી દોઢેક મીટર દૂર અસામાજિક તત્વો દ્વારા યુવક પર હુમલો કરી તોફાન મચાવ્યું હતું. જેમાં વેપારીઓ દ્વારા રોકવા જતો વેપારીઓને પણ મારવા માટે લીધા હતા. પોલીસ મથકમાં રજૂઆત કરવા જતા માત્ર એક જ કર્મચારી હાજર હોવાનું સામે આવ્યું હતું .જેનો કારણે કાયદો અને વ્યવસ્થાની સ્થિતિ કથળી ગઈ હોવાની લોકોમાં ચર્ચાનો દોર જોવા મળ્યો હતો જેના કારણે સ્થાનિક પી.આઇ. સામે લોકોએ સવાલો ઊભા કર્યા હતા. આતંક મચાવનારને ઝડપી લઇ કાયદેસરની કાર્યવાહી માટે વેપારીઓએ બજારને સંપૂર્ણપણે બંધ રાખી હોબાળો મચાવ્યો હતો. લોકોના ભારે હોબાળા બાદ પી.આઇ. દ્વારા એક્શન લેવાની ખાતરી આપવામાં આવી હતી. લોકોએ આ આતંકવાદ સહિતના અને ગુનાઓને નાથવા પોલીસ સક્ષમ સક્રિય કાર્યની માંગ કરી હતી. નવા આવેલા પી.આઈ.ની નિમણૂક બાદ ચિઠોડા પોલીસ મથકમાં કાયદો અને વ્યવસ્થા ખાડે ગઈ હોવાનું લોકોનું ઉગ્ર રોષ જોવા મળ્યો હતો. પી.આઈ. દ્વારા તોફાનીઓને ઝડપી પાડવાની ખાતરી બાદ વેપારીઓએ પોતાની દુકાનો ખુલ્લી મૂકી હતી. વેપારી એસોસિયેશનના પ્રમુખ દિનેશભાઈ ધોબી અને ઉપપ્રમુખ ગિરીશભાઈ પટેલ દ્વારા ઉગ્ર રજૂઆત કરવામાં આવી હતી.
