વઘઇ નાં કોયલીપાડાથી ચિકાર ગામની વચ્ચે જી.ઇ.બીનો સિમેન્ટનો થાંભલો તૂટી પડતા યુવકને ગંભીર ઈજા..

વાત્સલ્યમ સમાચાર
મદન વૈષ્ણવ-ડાંગ

પ્રાપ્ત વિગતો અનુસાર અજીત કુમાર મંડલ બાકેબિહારી મંડલ ( ઉ.વ.આ.35 રહે.ઇસ્માઇલપુર તા. ઇસ્માઇલપુર જી.ભાગલપુર બિહાર રાજ્ય) જેઓ ગઈ તા.23/09/2024નાં રોજ વઘઇ તાલુકાનાં કોયલીપાડા ગામથી ચિકાર ગામની વચ્ચે જી.ઇ.બી.નાં સિમેન્ટના થાંભલા ઉપર ચઢી જુના તાર ઉતારી નવા એમ.વી.સી.સી. કેબલ ફીટ કરતા હતા.તે દરમ્યાન અચાનક સિમેન્ટનો થાંભલો તુટી જતા આ યુવક નીચે પડી જવાથી તેમને બન્ને હાથમાં તથા પગમાં તેમજ માથાના પાછળના ભાગે ગંભીર ઇજા પહોંચી હતી.ત્યારે તેમને પ્રથમ સારવાર માટે વાંસદાની શ્રી હોસ્પિટલ ખાતે તથા વધુ સારવાર અર્થે કિરણ હોસ્પિટલ સુરત ખાતે દાખલ કરવામાં આવ્યા હતા.ત્યારે તેઓ હજુ સુધી ભાનમાં આવેલ નથી.આ બનાવને લઈને વઘઈ પોલીસે જાણવાજોગ ફરિયાદ નોંધી આગળની કાર્યવાહી હાથ ધરી છે..

Sorry, there was a YouTube error.