આદિવાસી યુવાનો માટે ભવ્ય શૈક્ષણિક સેમિનારનું આયોજન
વિજયનગર તાલુકાના આંતરસુંબા હાઇસ્કૂલ ખાતે રવિવાર, તા. ૦૧/૦૨/૨૦૨૬ના રોજ **આદિવાસી ડુંગરી ગરાસિયા સમાજ સર્વાંગી વિકાસ મંડળ-આંતરસુબા પ્રાંત** દ્વારા વિવિધ સ્પર્ધાત્મક પરીક્ષાઓની તૈયારી કરતા યુવાનોને માર્ગદર્શન આપવાના ઉદ્દેશ્યથી એક શૈક્ષણિક સેમિનારનું આયોજન કરવામાં આવ્યું હતું.
આ સેમિનારમાં કુલ **૨૫૭** યુવા ભાઈ-બહેનોએ ભાગ લીધો અને નિષ્ણાતો પાસેથી મૂલ્યવાન માર્ગદર્શન મેળવ્યું.
માર્ગદર્શક તરીકે હાજર રહેલા પ્રખ્યાત વ્યક્તિત્વોમાં શ્રી **આર. વી. અસારી સાહેબ (IPS)** (ગોધરા રેન્જના નાયબ પોલીસ મહાનિરીક્ષક), શ્રી **ડી. કે. ડામોર સાહેબ**, એકલ્ય લાયબ્રેરી ભવાનપુરના શ્રી **અર્જુનભાઈ તબિયાડ સાહેબ**, બાલેટાના શ્રી **સુનિલભાઈ ગામેતી સાહેબ**, નાલશેરીના **ડૉ. કિરીટભાઈ બારા સાહેબ**, ટીંટારણના શ્રી **ગલજીભાઈ ડોડિયાર સાહેબ** તેમજ આયોજક મંડળના સભ્ય ટોલડુંગરી ગામના શિક્ષક શ્રી **મનિષભાઈ હડાત સાહેબ**, મોધરી પંચાયતના સરપંચ શ્રી **સતીષભાઈ કટારા સાહેબ** જેવા મહાનુભાવોએ પોતાના અનુભવો શેર કરી યુવાનોના ઉજ્જવળ ભવિષ્ય માટે પ્રેરણાદાયી માર્ગદર્શન આપ્યું.
કાર્યક્રમના અંતે **બિરસા મુંડા લાયબ્રેરી, ટોલડુંગરી-જોરાવરનગર** તરફથી વિવિધ સામાજિક કાર્યક્રમોમાં લગાવવામાં આવેલા સ્ટોલ/હાટમાંથી મળેલી બચત રકમ (અંદાજે **૫૩,૦૦૦** રૂપિયા)નો ઉપયોગ પુસ્તકોના વિતરણ અને સેમિનારના સફળ આયોજનમાં કરવામાં આવ્યો.
આયોજક મંડળના પ્રમુખ શ્રી **દિનેશભાઈ ખરાડી**, શ્રી **અરવિંદભાઈ વડેરા**, સરપંચશ્રી, કુ. **કલ્પેશભાઈ ભગોરા**, શ્રી **માલજીભાઈ એન. પરમાર**, શ્રી **અજીતભાઈ એમ. કટારા**, શ્રી **લક્ષ્મણભાઈ ડોડિયાર** તેમજ ઉત્સાહી યુવાનો શ્રી **અલ્પેશભાઈ એમ. હડાત**, શ્રી **રાજેન્દ્રભાઈ અસારી**, શ્રી **દિલીપભાઈ ડોડિયાર**, કુ. **દિગ્વિજયભાઈ અસારી**, કુ. **ચંદ્રેશભાઈ કોટવાળ**, શ્રી **બાબુભાઈ નિનામા**, કુ. **સુનિલભાઈ જે. ડામોર**, શ્રી **મનિષભાઈ હડુલા**, શ્રી **નિતીનભાઈ કોટવાળ** વગેરેના અથાગ પ્રયાસોથી આંતરસુબા પ્રાંતમાં પ્રથમ વખત આવો ભવ્ય શૈક્ષણિક સેમિનાર યોજાયો અને સમાજના યુવાનોને સ્પર્ધાત્મક પરીક્ષાઓમાં સફળતા મેળવી શિક્ષણ તથા નોકરી-ધંધામાં આગળ વધવાની પ્રેરણા મળી.
આ કાર્યક્રમને સફળ બનાવવા પ્રત્યક્ષ તેમજ પરોક્ષ રીતે સહયોગ આપનાર તમામ નામી-અનામી સમાજહિતેચ્છુક સભ્યોનો **આદિવાસી ડુંગરી ગરાસિયા સમાજ સર્વાંગી વિકાસ મંડળ, આંતરસુબા પ્રાંત (વિજયનગર)** હૃદયપૂર્વક આભાર વ્યક્ત કરે છે.
આવા કાર્યક્રમો દ્વારા આદિવાસી યુવાનોના શિક્ષણ અને વિકાસને વેગ મળે તેવી આશા છે.
જયંતિ પરમાર સાબરકાંઠા
