તા. ૧૪. ૧૦. ૨૦૨૪
વાત્સલ્યમ્ સમાચાર
અજય સાંસી દાહોદ 
Dahod:દાહોદ ઇન્ડિયન રેડ ક્રોસ સોસાયટી દાહોદ જિલ્લા શાખા ને રાજ્યકક્ષા નો એવોર્ડ
ઇન્ડિયન રેડ ક્રોસ સોસાયટી ગુજરાત રાજ્ય શાખા વર્ષ ૨૦૨૨-૨૩ અને ૨૦૨૩-૨૪ ની વાર્ષિક સાધારણ સભા પ્રમુખ મહામહિમ રાજ્યપાલ આચાર્ય દેવવ્રત જી ની અધ્યક્ષતામાં તારીખ. ૧૪.૧૦.૨૦૨૪ ના રોજ સવારે. ૧૧.૦૦ કલાકે રાજભવન ગાંધીનગર ખાતે યોજવામાં આવી હતી જેમાં ગુજરાત રાજ્ય આરોગ્ય વિભાગના અગ્ર સચિવ ધનંજય દ્વિવેદી જી અતિથિ વિશેષ તરીકે ઉપસ્થિત રહ્યા હતા. સ્વાગત પ્રવચન ગુજરાત રાજ્ય શાખાના ચેરમેન અજયભાઈ પટેલ દ્વારા કરવામાં આવ્યું હતું. જેમાં દાહોદ જિલ્લા શાખાને આઉટ સ્ટેન્ડિંગ પર્ફોર્મન્સ ઈન ડિઝાસ્ટર મેનેજમેન્ટ એક્ટિવિટી વર્ષ. ૨૦૨૩-૨૪ નો રનર્સ અપ એવોર્ડ એનાયત કરવામાં આવ્યો. આ પ્રસંગે દાહોદ શાખા ના ચેરમેન ગોપાલભાઈ ધાનકા વાઇસ ચેરમેન દિનેશભાઈ શાહ ટ્રેઝરર કમલેશભાઈ લીંબાચીયા ઉપસ્થિત રહ્યા હતા. જેમાં મેનેજિંગ કમિટીના સભ્યો, ગુજરાત રાજ્યના વિવિધ જિલ્લા શાખાના હોદ્દેદારઓ ,વિવિધ તાલુકા શાખાના હોદ્દેદારઓ ખૂબ મોટી સંખ્યામાં ઉપસ્થિત રહ્યા હતા. દાહોદ જિલ્લા શાખા ના કારોબારી મેમ્બરઓએ એવોર્ડ મેળવ્યા બદલ અભિનંદન પાઠવ્યા હતા. ગુજરાત સ્ટેટ બ્રાન્ચ ના ચેરમેન અજયભાઈ પટેલ વાઇસ ચેરમેન અજયભાઈ દેસાઈ દાહોદ જિલ્લા શાખા ને ખુબ ખુબ શુભેચ્છા પાઠવી હતી
