બોડેલીના ચાર રસ્તા પર આજે એક ગંભીર અકસ્માત સર્જાયો હતો. રેતી ભરવાની લ્હાયમાં બેફામ દોડતા એક હાઈવા ટ્રકે સ્કૂટર પર સવાર એક આધેડને અડફેટે લીધા હતા. આ અકસ્માત એટલો ભયાનક હતો કે હાઈવા ચાલક આધેડને ઢસડી ગયો હતો. અકસ્માતમાં આધેડને ગંભીર ઇજાઓ પહોંચી હતી. સ્થાનિક લોકો દ્વારા તાત્કાલિક તેમને હોસ્પિટલ ખસેડવામાં આવ્યા હતા. જ્યાં તેમની હાલત નાજુક હોવાથી વધુ સારવાર માટે વડોદરા રીફર કરવામાં આવ્યા છે. આ અકસ્માતને પગલે સ્થાનિક લોકોમાં ભારે રોષ જોવા મળી રહ્યો છે. લોકોનું કહેવું છે કે હાઈવા ચાલકો દ્વારા અવારનવાર બેફામ ડ્રાઈવિંગ કરવામાં આવે છે, જેના કારણે આવા અકસ્માતો સર્જાય છે. સ્થાનિક લોકોએ બોડેલીના ચાર રસ્તા ની ચારેય તરફ સ્પીડ બ્રેકર મુકવાની માંગ કરી છે, જેથી આવા અકસ્માતો પર અંકુશ લાવી શકાય.
રિપોર્ટર તોસીફ ખત્રી
«
Prev
1
/
123
Next
»
મોરબી ખાતે નવી Skoda Kushaq Facelift કારનું ભવ્ય લોન્ચિંગ કરવામાં આવ્યું.
