તા.૧૦.૦૯.૨૦૨૫
વાત્સલ્યમ્ સમાચાર
અજય સાંસી દાહોદ 
Sanjeli:શ્રી અખિલ એજ્યુકેશન એકેડમી પીછોડા સંચાલિત શ્રી ઉચ્ચતર માધ્યમિક વિધાલય પીછોડાની બાળાઓ જિલ્લા કક્ષાએ પ્રાચીન ગરબા સ્પર્ધામાં પ્રથમ ક્રમાંકે ઝળકી
સંજેલી તાલુકામાં આવેલ શ્રી ઉચ્ચતર માધ્યમિક વિધાલય પીછોડાની બાળાઓ જિલ્લા કક્ષાની ગરબા સ્પર્ધાની કૃતિ દાહોદ મુકામે રજૂ કરી જેમાં પ્રાચીન ગરબાની સંસ્કૃતિ પ્રમાણે સ્પર્ધાના નીતિનિયમ મુજબ રજૂ કરવામાં આવ્યો હતો જેમાં પીછોડા શાળાની બાલિકાઓનો પ્રથમ સ્થાન મેળવ્યું છે. જેમાં એકેડમીના સંચાલક શ્રી સરદારસિંહ બારીઆ સાહેબના માર્ગદર્શકથી ઉત્સાહ વધારી ને જરૂરી પ્રેરણા આપી હતી. સાંસ્કૃતિક પ્રવૃતિના કન્વીનર પરેશકુમાર એન. રાવત તથા કુ. એસ. એલ. બારીઆ, શ્રીમતિ આર. ટી બારીઆ તથા કલા વૃંદના કલાકારોમાં દિનેશકુમાર કામોળ, નરેન્દ્રકુમાર બામણીયા, રમણભાઈ બારીઆ જેઓએ ભાગ લીધો હતો. હવે પછી આ ગરબો નવરાત્રી ઉદ્ઘાટનમાં મુખ્યમંત્રીના કાર્યક્રમમાં અમદાવાદ મુકામે રાજ્યકક્ષાએ ભાગ લેનાર છે અને દાહોદનુ પ્રતિનિધિત્વ કરશે.આ પ્રસંગે શાળાના આચાર્ય શ્રી કિરણસિંહ પટેલ તથા શાળા પરિવાર દ્વારા આભાર વ્યક્ત કરવામાં આવ્યો હતો આમ પીછોડા ઉચ્ચતર માધ્યમિક વિધાલયની બાળાઓ જિલ્લા કક્ષાએ પ્રથમ સ્થાન મેળવી અને રાજ્ય કક્ષાએ ભાગ લઈને શાળાનું નામ રોશન કરે તેવી અભિલાષા વ્યક્ત કરવામાં આવી હતી.
