સમીર પટેલ, ભરૂચ
વડોદરાના ક્યુરેટર શ્રીમતિ મેઘના સોલંકી “આર્ટ ઈમોશન ગૃપ”વડોદરા દ્વારા આયોજિત”INFUENCER BOOK OF WORLD RECORDS”મા ગુજરાત અને ગુજરાત બહારના 33 ચિત્રકારોએ ભાગ લીધો હતો.”સ્પોર્ટ્સ મેન”ના વિષય પર ચિત્ર બનાવવા માટે અંકલેશ્વરના પ્રકાશચંદ્ર કે.ટેલરને ભાલા ફેંક રમતના ઓલિમ્પિક સુવર્ણચંદ્રક વિજેતા નિરજ ચોપરાનું પોટ્રેઇટ બનાવવા અને પ્રાથમિક શાળા જુનાદિવાના આચાર્ય પ્રદિપકુમાર એસ.દોશીને ક્રિકેટ રમતના સમ્રાટ શ્રી કપિલદેવના પોટ્રેઈટ બનાવવા માટે “INFLUENCER BOOK OF WORLD RECORDS”નો એવોર્ડ પ્રાપ્ત થયો છે.વડોદરાની પ્રખ્યાત “AAKRUTI ART GALLERY” કીર્તિમંદિર વડોદરા મુકામે MS. ISHIKA THITE-ઇશિકા થીટે (MMA FIGHTER, OWNER OF’THE DOJO’) અને MR. MAYURSINH CHAUHAN- મયુરસિંહ ચૌહાણ (INTER NATIONAL BOXING CHAMPION)ના હસ્તે આ બન્ને ચિત્રકારોને એવોર્ડ, સન્માનપત્ર અને મેડલથી સન્માનિત કરવામાં આવ્યા .બુક ઓફ વર્લ્ડ રેકોર્ડમાં અંકલેશ્વરના ચિત્રકારોને સ્થાન મળ્યું એ અંકલેશ્વર, ભરૂચ જિલ્લા અને ગુજરાત રાજ્ય માટે ગર્વની વાત છે. આ બન્ને ચિત્રકારોએ અગાઉ પણ રાજ્ય અને રાષ્ટ્ર કક્ષાએ ઘણા સન્માન અને એવોર્ડ પ્રાપ્ત કર્યા છે.આ સન્માનથી તેમની કલાની યશકલગીમાં એક વધુ સોનેરી પીછું ઉમેરાયુ.
