BHARUCHBHARUCH CITY / TALUKOGUJARAT

છેતરપિંડીનો આરોપી ઝડપાયો:સુરત નજીક કઠોદરાથી વોન્ટેડ આરોપી સિરાજ સિદાતની ધરપકડ

સમીર પટેલ, ભરૂચ

ભરૂચ લોકલ ક્રાઇમ બ્રાન્ચે એક મહત્વપૂર્ણ સફળતા મેળવી છે. વાલીયા વિસ્તારમાં છેતરપિંડીના કેસમાં નાસતા-ફરતા આરોપી સિરાજ મુસા સિદાતની ધરપકડ કરવામાં આવી છે. આરોપીને સુરત નજીક કઠોદરા ગામેથી પકડવામાં આવ્યો છે.
આ સમગ્ર ઓપરેશન પોલીસ મહાનિરીક્ષક સંદીપસિંહ અને ભરૂચ જિલ્લા પોલીસ અધિક્ષક મયુર ચાવડાના માર્ગદર્શન હેઠળ હાથ ધરવામાં આવ્યું હતું. એલસીબી ઇન્સ્પેક્ટર એમ.પી. વાળાની ટીમને મળેલી ચોક્કસ બાતમીના આધારે આરોપીને તેના ઘરેથી ઝડપી પાડવામાં આવ્યો હતો.
આરોપી વિરુદ્ધ વાલીયા પોલીસ સ્ટેશનમાં ઈ.પી.કો. કલમ 419, 420, 120(બી) અને 34 હેઠળ ગુનો નોંધાયેલો હતો. પ્રાથમિક પૂછપરછ દરમિયાન આરોપીએ પોતાના ગુનાની કબૂલાત કરી હતી. પોલીસે આરોપી વિરુદ્ધ ભારતીય નાગરિક સુરક્ષા સંહિતા (BNSS) ૨૦૨૩ની કલમ 35(1)(જે) હેઠળ કાર્યવાહી કરી છે. કઠોદરા મસ્જિદ ફળિયામાં રહેતા આરોપીને વધુ કાર્યવાહી માટે વાલીયા પોલીસ સ્ટેશનને સોંપવામાં આવ્યો છે. પોલીસે તેની વિરુદ્ધ કાયદેસરની કાર્યવાહી હાથ ધરી છે.

Back to top button
error: Content is protected !!