“ભાજપ છે ચીટર, લાવ્યું સ્માર્ટ મીટર” ના નારાથી આમ આદમી પાર્ટીએ ગામ ગજાવ્યું
DGVCLએ અલગ અલગ રહેણાંક સોસાયટીને નોટીસ મોકલ્યા બાદ કોન્ટ્રાક્ટરો દ્વારા ધમકી ભર્યા કોલ કરવામાં આવે છે: ધર્મેશ ભંડેરી AAP
ગ્રાહકે સ્માર્ટ મીટર ફરજીયાત લગાવવા જ પડે એવો કોઈ નિયમ પણ નથી: ધર્મેશ ભંડેરી AAP
DGVCL ફરજીયાત પોતાની રીતે મનમાની કરી સ્માર્ટ મીટર લગાવવાના પ્રયાસો કરશે તો AAP પ્રજાને સાથે રાખીને દરેક મોરચે લડાઈ લડશે: વિપક્ષ નેતા પાયલ સાકરિયા
અમદાવાદ/સુરત/ગુજરાત
આમ આદમી પાર્ટીના સુરત શહેર પ્રમુખ ધર્મેશ ભંડેરી અને સુરત મનપા વિપક્ષ નેતા પાયલ સાકરિયાની આગેવાનીમાં સ્માર્ટ મીટર ફરજિયાત ન હોવા છતાં DGVCL દ્વારા જબરદસ્તીથી લગાવવાનું તત્કાળ બંધ કરવા બાબતે જિલ્લા કલેકટરને આવેદન આપવા માટે પહોંચ્યા હતા.
આ બાબતે આમ આદમી પાર્ટી સુરત શહેર પ્રમુખ ધર્મેશ ભંડેરીએ જણાવ્યું હતું કે, ગુજરાત સરકારના ઊર્જા મંત્રાલયના વિભાગ DGVCL દ્વારા ઘરના વીજ વપરાશ માટે ફરજીયાત સ્માર્ટ મીટર લગાવવાનું નક્કી કરવામાં આવ્યું છે. જેના સંદર્ભે DGVCLએ અલગ અલગ રહેણાંક સોસાયટીને નોટીસ મોકલી છે. નોટિસ મોકલ્યા બાદ ધમકી ભરેલી નોટિસ પણ મોકલવામાં આવી છે અને DGVCLના કોન્ટ્રાક્ટરો દ્વારા ધમકી ભર્યા કોલ કરવામાં આવે છે. જે બંધારણીય રીતે ગેરકાયદેસર છે અને અમાનવીય છે તેમજ આ આખી કાર્યવાહી માનવ અધિકારોના મૂલ્યોનું હનન છે. અત્યારે હાલમાં ઘર વપરાશ માટેની વીજળીના જે ડિજિટલ મીટર લાગેલા છે તે મીટર કોઈ પણ રીતે ખરાબ નથી, સારી રીતે આ મીટર સુવ્યવસ્થિત રીતે ચાલતા હોવા છતાં પણ સરકારને સ્માર્ટ મીટર લગાવવાની તત્પરતા શા માટે છે? ગ્રાહક સ્માર્ટ મીટર લગાવવા ના ઈચ્છે તો નાં લગાવે તેવો નિયમ છે અને ફરજીયાત લગાવવા જ પડે એવો કોઈ નિયમ પણ નથી.
સુરત મનપા વિપક્ષ નેતા પાયલ સાકરિયા આ બાબતે જણાવ્યું હતું કે, આમ આદમી પાર્ટીએ આ સંદર્ભે ખાસ વિનંતી કરી હતી અને કલેક્ટરના માધ્યમથી મુખ્યમંત્રી અને ઉર્જા મંત્રીને આવેદનપત્રના માધ્યમથી જણાવ્યું હતું કે, આ પ્રકારની ધમકી ભરી વાત DGVCL ડીપાર્ટમેન્ટ કરશે તો તે બિલકુલ ચલાવી લેવામાં આવશે નહીં, જે લોકો પોતાના ઘરે વીજ વપરાશ માટે સ્માર્ટ મીટર નથી લગાવવા ઈચ્છતા તો એમના ઘરે ફરજિયાત સ્માર્ટ મીટર લગાવવાનું અટકાવવામાં આવે એવી અમે વિનંતી કરીએ છીએ અને છતાં પણ ઉર્જા મંત્રાલય ફરજીયાત પોતાની રીતે મનમાની કરી અને દાદાગીરી સાથે સ્માર્ટ મીટર લગાવવાના પ્રયાસો કરશે તો આમ આદમી પાર્ટી પ્રજાને સાથે રાખીને દરેક મોરચે લડાઈ લડશે અને અહિંસક વિરોધ કાર્યક્રમ કરવામાં આવશે.
શહેર પ્રમુખ ધર્મેશ ભંડેરી અને વિપક્ષ નેતા પાયલ સાકરિયા સાથે વિપક્ષ ઉપનેતા મહેશ અણઘણ, દંડક રચનાબેન હીરપરા, કોર્પોરેટરો વિપુલ સુહાગીયા, શોભના કેવડિયા, પ્રદેશ મંત્રી હિંમતભાઈ નારોલા, શહેર મહામંત્રી તુલસી લાલૈયા, નવસારી લોકસભા ઇન્ચાર્જ પંકજ તાયડે, પરિમલ કાનાણી, કૃણાલ રામની, મુકુંદ કાનાણી, મહિલા આગેવાનો શોભનાબેન વાઘાણી, મુમતાઝ મુલતાની, ગીતા લિંબાસિયા, પાયલ ઉંધાડ, અને કાર્યકર્તાઓ મોટી સંખ્યામાં ઉપસ્થિત રહ્યા હતા અને સ્માર્ટ મીટરની આ લડતમાં જનતાના અવાજને વાચા આપી હતી.
