અરવલ્લી
અહેવાલ : હિતેન્દ્ર પટેલ
મોડાસા–સાયરા રસ્તા પર ભયંકર અકસ્માત, ટ્રક ચાલકની સાવચેતીથી બાઇક ચાલકનો જીવ બચ્યો- ટ્રક ચાલકે અકસ્માતમાં 3 વૃક્ષ પણ અડફટે લીધા
અરવલ્લી : મોડાસા–સાયરા રોડ પર મોરા ડુંગર નજીક ગત રાત્રે લગભગ 9 વાગ્યાના સમયે એક ગંભીર અકસ્માત સર્જાયો હતો. મેવાડા (રાજસ્થાન) તરફથી મોડાસા તરફ આવી રહેલા ટ્રક ચાલકે અચાનક સામે આવી રહેલા બાઇક ચાલકને બચાવવા માટે તાત્કાલિક બ્રેક અને સ્ટિયરિંગ ફેરવતા ટ્રકનો કાબૂ છૂટી ગયો હતો.આ કારણે ટ્રક રસ્તા પરથી ફસળી રોડસાઇડમાં ઘૂસી ગયો હતો અને દરમિયાન લગભગ ત્રણ જેટલા ઝાડોને અડફેટે લીધા હતા.અકસ્માત એટલો ભયંકર હતો છતાં સદનસીબે બાઇક ચાલક તેમજ ટ્રક ચાલક બંન્નેનો આબાદ બચાવ થયો છે. કોઈ જાનહાની કે ગંભીર ઇજા નોંધાઈ નથી .અકસ્માતની જાણ થતાં સ્થાનિક લોકો ઘટના સ્થળે પહોંચ્યા હતા.અકસ્માત એટલો ગંભીર હતો કે ટ્રક વૃક્ષોની આડમાં સંપૂર્ણ ઢંકાઈ ગયો હતો જોકે ટ્રક ચાલકનો આબાદ બચાવ થયો હતો
