તા.૩૦.૦૭.૨૦૨૫
વાત્સલ્યમ્ સમાચાર
અજય સાંસી દાહોદ
Dahod:ઇન્ડિયન રેડક્રોસ સોસાયટી દાહોદ જિલ્લા શાખા ની 53 મી વાર્ષિક સાધારણ સભા યોજાઇ
ઇન્ડિયન રેડક્રોસ સોસાયટી દાહોદ જિલ્લા શાખાની 53મી વાર્ષિક સાધારણ સભા ઇન્ડિયન રેડ કોર્સ સોસાયટી ના સુંદર શોભા મેમોરિયલ. હોલ માં રેડ ક્રોસના પ્રમુખ કલેક્ટર યોગેશ નિર્ગુડેના અધ્યક્ષ સ્થાને યોજવામાં આવી હતી આ પ્રસંગે પ્રાર્થના જી પી ધાનકા માધ્યમિક શાળાની બાળાઓએ રજૂ કરી હતી સ્વાગત પ્રવચન સોસાયટીના ચેરમેન ગોપાલભાઈ ધાનકાએ આપી હતી સાધારણ સભાના એજન્ડાના કામો પ્રવૃતિઓ તથા ભાવિ આયોજનો માનદ્ મંત્રી જવાહરભાઈ શાહ એ રજૂ કર્યા હતા 24- 25ના વર્ષના હિસાબો ખજાનચી કમલેશભાઈ લીમ્બાચીયા રજૂ કર્યા હતા આ પ્રસંગે વર્ષ દરમિયાન આજીવન સભ્યો બન્યા છે તેમને આઈકાર્ડ અને બેઝ આપવામાં આવ્યા હતા સને 25- 26થી સને 27- 28ના વર્ષ માટે નવી કારોબારી સમિતિની નિમણુંક કરવામાં આવી હતી.વર્ષ દરમિયાન બ્લડ બેન્ક માટે જે સંસ્થાઓએ રક્તદાન કેમ્પો યોજીને વધુમાં વધુ રક્તદાન કરાવેલ તેવી સંસ્થાઓને પ્રમાણપત્ર આપી સન્માનિત કરવામાં આવ્યા હતા.ગુજરાત રાજ્ય રેડક્રોસ સોસાયટીના રાજ્ય પ્રતિનિધિ તરીકે ભાવિન્દ્રભાઈ તનેજા ઉપસ્થિત રહી સોસાયટીની વર્ષ દરમિયાન કરવામાં આવેલ કામગીરીની સેવાઓને બિરદાવી હતી. અધ્યક્ષ સ્થાનેથી કલેકટરશ્રી યોગેશ નિર્ગુડેએ રક્તદાન વિશે ભાર મૂક્યો હતો તથા સિકલ સેલ અને થેલેસેમિયા વિશે માહિતગાર કર્યા હત. સમગ્ર કાર્યક્રમનું સંચાલન તથા આભાર વિધિ સોસાયટીના સહમંત્રી તથા રાજ્ય પ્રતિનિધિ સાબિર શેખએ કરી હતી. અંતમાં રાષ્ટ્રગાન કરવામાં આવ્યું હતું આ પ્રસંગે સોસાયટીના વાઇસ ચેરમેન દિનેશભાઈ શાહ કારોબારી સભ્યો તથા આજીવન સભ્યો મોટી સંખ્યામાં ઉપસ્થિત રહ્યા હતા
