રાષ્ટ્રીય યુનિટી માર્ચયુવાનોની દિવ્ય ઉર્જા, સમાજસેવકોની અડગ પ્રતિબદ્ધતા અને ગ્રામજનના અટૂટ સમર્થનથી અંતરાત્માને સ્પર્શતી ઐતિહાસિક યાત્રા
7 ડીસેમ્બર જીતશે જોષી પાલનપુર બનાસકાંઠા
સરદાર@૧૫૦ : રાષ્ટ્રીય યુનિટી માર્ચયુવાનોની દિવ્ય ઉર્જા, સમાજસેવકોની અડગ પ્રતિબદ્ધતા અને ગ્રામજનના અટૂટ સમર્થનથી અંતરાત્માને સ્પર્શતી ઐતિહાસિક યાત્રા — શિક્ષણપ્રેમી પ્રજ્ઞાવંત શ્રી ગજેન્દ્રકુમાર જોશી.સરદાર સાહેબની પવિત્ર જન્મધરા *કરમસદ*થી પ્રગટેલી રાષ્ટ્રીય એકતાની જ્યોત જ્યારે વિશ્વની વિરાટતમ પ્રતિમા *સ્ટેચ્યુ ઓફ યુનિટી** તરફ પ્રસ્થાન પામી, ત્યારે ગુજરાતના સુવર્ણકલમધારી શિક્ષણવિદ *શ્રી ગજેન્દ્રકુમાર જોશી** એ આ યાત્રામાં ગૌરવભરી હાજરી આપી. પાલનપુરના ૭૧ વર્ષીય, આ પદયાત્રાના સર્વથૈવ વરિષ્ઠ યાત્રિક તરીકે તેમની ઉપસ્થિતિ જ યાત્રાને વિશેષ તેજસ્વિતા પ્રદાન કરતી રહી.૨૬-૧૧-૨૦૨૫ના શુભ પ્રભાતે કરમસદથી આ રાષ્ટ્રીય પદયાત્રાનો આરંભ કરતાં જોશી સાહેબે ભાવવિભોર વાણીમાં જણાવ્યું—“લોહપુરુષ સરદાર વલ્લભભાઈ પટેલના વતનમાંથી રાષ્ટ્રએકતાના તેમના અમર મંત્રને જનમાનસ સુધી પહોંચાડવાનું આ સદભાગ્ય હું બ્રહ્માનંદથી સ્વીકારું છું. આ શ્રેષ્ઠ યાત્રાનું સુવ્યવસ્થિત આયોજન કરનાર સરકાર પ્રત્યે હું હૃદયપૂર્વક કૃતજ્ઞ છું.”અગિયાર પ્રભાતો અને અગિયાર સંધ્યાઓએ આ યાત્રાને અનન્ય દીપ્તિથી ઉજળી બનાવી હતી. દેશભરના રાજકીય, સામાજિક તથા સાંસ્કૃતિક આગેવાનોની ઉપસ્થિતિ દરેક દિવસે નવજીવનની શરદશીતળ પવન સમ ઊમટી. સરદાર સાહેબના જીવનદર્શનને ઉજાગર કરતાં વ્યાખ્યાનો યાત્રાની દિશા અને દૃઢતા બંનેને વધુ સુવિકસિત બનાવતાં રહ્યાં.સ્થાયી ૧૫૦ પદયાત્રીઓને સાથે રાખીને માર્ગમધ્યે ઉમટી પડેલા અસંખ્ય નાગરિકોના સહભાગથી યાત્રા એક જીવંત ચિત્રપટ સમ પ્રગટ થતી રહી—જેમાં એકતા, સહકાર અને રાષ્ટ્રપ્રેમનાં રંગો દિવ્ય પ્રકાશમાં દિપ્તિમાન થતા હતા. યુવાનોની દીપ્ત ઉર્જા, સમાજસેવી આગેવાનોની નિષ્ઠાપૂર્વકની સમર્પણભાવના અને ગ્રામજનોના નિર્જર સમર્થનથી આ યાત્રા સરદાર સાહેબને અર્પિત એક વિશાલ વંદનગીત બની રહી.જોશી સાહેબે અનુભૂતિ વ્યક્ત કરતાં કહ્યું—“પદયાત્રિકોના લોકવ્યવહારની સૌજન્યમય ઉષ્ણતા અને નાગરિકોના હૃદયસ્પર્શી આવકારથી સરદાર સાહેબના એકતા-સંદેશનું સુવાસિત સુવાક્ય સર્વત્ર ફેલાતું જોયું. આ અનુભૂતિ મારા અંતરમનને અભિભૂત કરી ગઈ છે.”જે સ્થાન, જે વસાહત, જે પંથે યાત્રા પહોંચી—ત્યાં સરદાર સાહેબના વિચારોએ લોકોના હૃદયોમાં નવી પ્રેરણાની જ્યોત પ્રગટાવી. એકતા, અખંડિતતા અને રાષ્ટ્રભાવનાના તેમના આદર્શો જન-જનના ચિંતનમાં નવી તાજગીથી તરબોળ થયા.આ મહાન રાષ્ટ્રીય પદયાત્રાની દુરંદેશી શરૂઆત બદલ જોશી સાહેબે *વડાપ્રધાન શ્રી નરેન્દ્રભાઈ મોદી* પ્રત્યે વંદનભાવપૂર્વક કૃતજ્ઞતા વ્યક્ત કરી અને સમગ્ર આયોજનની ઉત્તમ સમન્વયપૂર્ણ સુવ્યવસ્થા માટે યુવા કલ્યાણ અને ખેલ મંત્રાલય, નવી દિલ્હી; સ્થાનિક વહીવટી તંત્ર; તેમજ નાનામાં નાના કર્મચારી સુધીના સર્વેને હૃદયપૂર્ણ અભિનંદન અર્પ્યા.૬-૧૨-૨૦૨૫ના શુભદિને *સ્ટેચ્યુ ઓફ યુનિટી*ના પવિત્ર આંગણે, ઉપરાષ્ટ્રપતિશ્રીની સૌમ્ય ઉપસ્થિતિ અને હજારો જનસમુદાયની ગુંજતી હાજરી વચ્ચે આ રાષ્ટ્રીય યુનિટી માર્ચનું ભવ્ય સમાપન થયું. સમગ્ર ભારતભરમાંથી જોડાયેલા ૧૫૦ પદયાત્રીઓ પર અભિનંદન તથા પ્રસંશા જાણે અમૃતધારા સમ વરસી.આ યાત્રાએ સરદાર સાહેબની ૧૫૦મી જયંતિને રાષ્ટ્રના હૃદયપટ પર ચિરંજીવ અક્ષરે અંકિત કરી દીધી છે.પૂર્વ ઉપરાષ્ટ્રપતિ વેંકૈયા નાયડુ અને યુવા અને ખેલ મંત્રાલયના કેબિનેટ મિનિસ્ટર મનસુખ માંડવિયા સાથે.પૂર્વ ઉપરાષ્ટ્રપતિ વેંકૈયા નાયડુ અને
યુવા અને ખેલ મંત્રાલયના કેબિનેટ
મિનિસ્ટર મનસુખ માંડવિયા સાથે
