મહીસાગર વહીવટી તંત્ર દ્વારા ‘રાષ્ટ્રીય રમત દિવસ’ અને ‘ફિટ ઈન્ડિયા મૂવમેન્ટ’ અંતર્ગત સાયકલ રેલી યોજાઇ
મહીસાગર વહીવટી તંત્ર દ્વારા ‘રાષ્ટ્રીય રમત દિવસ’ અને ‘ફિટ ઈન્ડિયા મૂવમેન્ટ’ અંતર્ગત સાયકલ રેલી યોજાઇ
અમીન કોઠારી મહીસાગર
આ વર્ષની થીમ ‘હર ગલી, હર મેદાન, ખેલે સારા હિન્દુસ્તાન, ખેલે ભી ઔર ખીલે ભી’ અંતર્ગત વિવિધ રમતો અને સ્પર્ધાઓ તા. 29 થી 31 ઓગસ્ટ દરમિયાન યોજાઈ હતી.
આ ઉજવણીના સમાપન દિવસે આજ રોજ મહીસાગર જિલ્લા વહીવટી તંત્ર દ્વારા એક ભવ્ય સાયકલ રેલીનું આયોજન કરવામાં આવ્યું હતું. આ રેલી લુણાવાડા જિલ્લા સેવા સદનથી શરૂ થઈને મહારાણા પ્રતાપ ચોક સુધી પહોંચી હતી. આ રેલીનો મુખ્ય ઉદ્દેશ્ય નાગરિકોમાં શારીરિક ફિટનેસ અને સ્વસ્થ જીવનશૈલી અંગે જાગૃતિ ફેલાવવાનો હતો.
આ સાયકલ રેલીમાં જિલ્લા કલેકટર સુશ્રી અર્પિત સાગર, જિલ્લા વિકાસ અધિકારી યુવરાજ સિધ્ધાર્થ, જિલ્લા પોલીસ અધિક્ષક સફિન હસન સહિત મોટી સંખ્યામાં નાગરિકો, અધિકારીઓ, કર્મચારીઓ, શાળાના બાળકો અને શિક્ષકો પણ ઉત્સાહભેર જોડાયા હતા. આ તમામ સહભાગીઓએ સાથે મળીને ‘ફિટ ઈન્ડિયા’ નો સંદેશ આપ્યો હતો, જે લોકોને તેમના સ્વાસ્થ્ય પ્રત્યે સભાન બનવા માટે પ્રેરિત કરે છે.
આ રેલી સફળતાપૂર્વક પૂર્ણ થઈ હતી અને તેણે મહીસાગર જિલ્લામાં સ્વાસ્થ્ય અને રમતગમતના મહત્વ પર ભાર મૂક્યો હતો. આ કાર્યક્રમો દ્વારા જિલ્લા પ્રશાસને મેજર ધ્યાનચંદના યોગદાનને યાદ કરવાની સાથે સાથે એક સ્વસ્થ અને સશક્ત સમાજનું નિર્માણ કરવાનો સંકલ્પ લીધો હતો
