જૂનાગઢ જિલ્લા સંકલન સહ ફરિયાદ સમિતિની બેઠક કલેકટરશ્રીના અધ્યક્ષ સ્થાને યોજાઇ,જિલ્લા કલેકટરશ્રીની પ્રજાલક્ષી પ્રશ્નોના સત્વરે નિરાકરણ લાવવા સ્પષ્ટ સૂચના
જૂનાગઢ જિલ્લા સંકલન સહ ફરિયાદ સમિતિની બેઠક કલેકટરશ્રીના અધ્યક્ષ સ્થાને યોજાઇ,જિલ્લા કલેકટરશ્રીની પ્રજાલક્ષી પ્રશ્નોના સત્વરે નિરાકરણ લાવવા સ્પષ્ટ સૂચના
જૂનાગઢ જિલ્લા સંકલન સહ ફરિયાદ સમિતિ બેઠક કલેક્ટરશ્રી અનિલકુમાર રાણાવસિયાના અધ્યક્ષ સ્થાને મળી હતી આ બેઠકમાં જિલ્લા પંચાયતના પ્રમુખ શ્રી હરેશભાઈ ઠુમર, ધારાસભ્ય શ્રી ભગવાનજીભાઈ કરગઠિયા, ધારાસભ્ય શ્રી અરવિંદભાઈ લાડાણી ઉપસ્થિત રહ્યા હતા. તેઓએ રજૂ કરેલા ગ્રામ્ય વિસ્તારના લોકોના વિવિધ પ્રશ્નો અને તેના નિરાકરણ માટે ચર્ચા કરવામાં આવી હતી.કલેકટરશ્રીએ સંબંધિત અમલીકરણ અધિકારીઓને નાગરિક સેવાઓ અને લોક સેવાઓના કાર્યો સરકારશ્રીની જોગવાઈઓ નિયમો પ્રમાણે સમય મર્યાદામાં થાય તે માટે સુચના આપવામાં આવી હતી. આ બેઠકમાં જૂનાગઢ મહાનગરપાલિકાના કમીશનરશ્રી,જિલ્લા પોલીસ વડાશ્રી, જિલ્લા વિકાસ અધિકારીશ્રી, પ્રાંતઅધિકારીશ્રીઓ અને જિલ્લાના અમલીકરણ અધિકારીશ્રીઓ ઉપસ્થિત રહ્યા હતા.આ બેઠકમાં તાજેતરમાં સરદાર વલ્લભભાઈ પટેલની ૧૫૦ મી જન્મ જયંતી ના ઉજવણી અને મુકિત દિન પ્રસંગે મુખ્યમંત્રી શ્રી ભૂપેન્દ્રભાઈ પટેલ ના અધ્યક્ષ સ્થાને યોજાયેલ યુનિટી માર્ચમાં શ્રેષ્ઠ કામગીરી કરનાર વિવિધ વિભાગના અધિકારીઓને કલેકટરશ્રીના હસ્તે પ્રમાણપત્ર આપી સન્માનિત કરવામાં આવ્યા હતા.
બાયલાયન :- અનિરૂધ્ધસિંહ બાબરીયા – કેશોદ
