યોગેશ કાનાબાર રાજુલા
શ્રીમતી એચ.બી. સંઘવી મહિલા આર્ટ્સ એન્ડ કોમર્સ કોલેજ, રાજુલા ની એક માત્ર સંસ્થા એ ISO 9001:2015 પ્રમાણ પત્ર પ્રાપ્ત કરીને મહત્વપૂર્ણ સીમાચિહ્ન રૂપ સિદ્ધિ પ્રાપ્ત કરેલ છે.
સંઘવી મહિલા કોલેજ ગુણવત્તાયુક્ત શિક્ષણ અને વહીવટી પારદર્શિતા અને શ્રેષ્ઠતા તથા કાર્ય ની આગવી દીર્ઘ દૃષ્ટિ ને પ્રાધાન્યતા ની સાથે શિષ્ટ કાર્ય પ્રણાલી ની પ્રતિબદ્ધતા પર ભાર મૂકે છે. શૈક્ષણિક અને કાર્ય સંપૂર્ણતા માટે કોલેજની અવિરતકાર્ય શૈલીને હવે આંતરરાષ્ટ્રીય સ્તરે સત્તાવાર રીતે માન્યતા આપવામાં આવી છે. આ પ્રતિષ્ઠિત પ્રમાણપત્ર શ્રીમતી એચ.બી. સંઘવી મહિલા આર્ટ્સ એન્ડ કોમર્સ કોલેજ દ્વારા શિક્ષણ અને સંબંધિત સેવાઓની જોગવાઈમાં વૈશ્વિક સ્તરે સ્વીકૃત માન્ય ધોરણોનું પાલન કરવાની સાક્ષી આપે છે. ISO 9001:2015 માન્યતા સંસ્થાના સતત સુધારણા અને વિદ્યાર્થીનીઓના સંતોષ પ્રત્યેના સમર્પણને પ્રકાશિત કરે છે. શ્રીમતી એચ.બી. સંઘવી મહિલા આર્ટ્સ એન્ડ કોમર્સ કોલેજ દ્વારા આ પ્રમાણપત્રની સફળ પ્રાપ્તિ તેની ઝીણવટભરી પ્રક્રિયાઓ અને ઉદ્યોગની શ્રેષ્ઠ પ્રથાઓ સાથે સુસંગત મજબૂત ગુણવત્તા વ્યવસ્થાપન પ્રણાલીને પ્રતિબિંબિત કરે છે. ISO 9001:2015 માન્યતા ઉચ્ચ-ગુણવત્તાવાળા શિક્ષણ પ્રદાન કરવા અને તેના સંચાલનમાં તમામ સોપાનો સિદ્ધ કરવાની દિશા માં અગ્રેસર રહી છે.કોલેજ ની અનેરી સિદ્ધિ નો યશ કોલેજ ના સર્વે ટ્રસ્ટી મહોદયશ્રી ની રાહબર હેઠળ તથા કેમ્પસ મેનેજર શ્રી રવિ ભાઈ વ્યાસ તથા સેક્રેટરી શ્રી બાલકૃષ્ણભાઇ ત્રિવેદી તથા કેમ્પસ ડાયરેક્ટ શ્રી ડો.જીગ્નેશભાઈ વાજા ના માર્ગ દર્શન હેઠળ સાથે પ્રિન્સીપાલ શ્રી ડો.રીટાબેન રાવળ તથા અધ્યાપક સર્વ શ્રી નો સહયોગ રહ્યો હતો.
