વાત્સલ્યમ સમાચાર,બળવંતસિંહ ઠાકોર, વિસનગર
ગણેશપુરા (રાલી) અનુપમ પ્રાથમિક શાળાના ભંગારની હરાજી બાદ નવી શાળાનું નિર્માણ થશે,
ગણેશપુરા (રાલી) ગામની અનુપમ પ્રાથમિક શાળા દ્વારા કરાયેલા એક અનોખા પ્રયાસે સૌનું ધ્યાન ખેંચ્યું છે. શાળામાં જર્જરિત બનેલી ઓરડીઓના લાકડાં અને બારી-બારણાંની હરાજી કરીને ગામ લોકોએ શિક્ષણ પ્રત્યેની પોતાની કટિબદ્ધતા દર્શાવી ,
આ હરાજીમાં વિસનગર તાલુકા પંચાયત માંથી બીટ નિરીક્ષક સોનલબેન પટેલ તથા SMC સભ્યો અને શાળાના સ્ટાફ અને ગ્રામજનોની ઉપસ્થિતિમાં યોજાયેલી આ હરાજીમાં લાકડાં અને અન્ય સામાન ખરીદવા માટે મોટી સંખ્યામાં બહાર થી લોકો ઉમટી પડ્યા હતા. આ હરાજીની પ્રક્રિયા પારદર્શી રહે તે માટે તેના નિયમો બ્લેકબોર્ડ પર લખવામાં આવ્યા હતા.
જેમાં 17 જેટલા ટોકન લેવાયા હતા અને બોલી બોલવામાં આવી હતી,
આ હરાજીમાં જૂની શાળાના બાંધકામના ભંગારનો સમાવેશ થાય છે. હરાજીની પ્રક્રિયા ચાલી , હરાજીની રકમ ₹૨,૭૬,૦૦૦/- સુધી પહોંચી જેમાં હરાજી માં રાલીસણા ગામના પૂર્વ સરપંચ વિનોદભાઈ મંગળભાઈ પટેલ જેવોએ છેલ્લી બોલી બોલી ને તેમને શાળાનો કાટમાળ રાખેલ,
શાળા સંચાલકોના જણાવ્યા મુજબ, જૂની શાળાની ઇમારત ખૂબ જ જર્જરિત હાલતમાં હતી અને સલામતીના કારણોસર તેને તોડી પાડવાનો નિર્ણય લેવાયો હતો.
આ પહેલથી સ્પષ્ટ થાય છે કે, જો ગામના લોકો અને શાળાનું તંત્ર એકબીજાના સહયોગથી કામ કરે તો શિક્ષણ ક્ષેત્રે અદ્ભુત પરિણામો લાવી શકાય છે. આ ઘટનાએ ગ્રામીણ વિસ્તારોમાં શિક્ષણ પ્રત્યેની જાગૃતિ અને સમર્પણને ઉજાગર કરે.
