Upleta: રાજકોટ જિલ્લાના ઉપલેટા ખાતે કારકિર્દી માર્ગદર્શન સેમિનાર યોજાયો: ૨૦૦ થી વધુ વિદ્યાર્થીઓને મળ્યો ભવિષ્યનો નવો માર્ગ
તા.૧૧/૧૨/૨૦૨૫
વાત્સલ્યમ્ સમાચાર
Rajkot, Upleta: શિક્ષણ વિભાગ, મદદનીશ નિયામક–રોજગાર કચેરી અને રાજકોટ જિલ્લા મહિલા અને બાળ અધિકારી વિભાગના સંયુક્ત ઉપક્રમે “બેટી બચાઓ બેટી પઢાઓ” યોજના અન્વયે ઉપલેટા તાલુકામાં સ્થિત માતુશ્રી વી.બી. મણવર ઉત્તર બુનિયાદી શાળા – ડુમિયાણી ખાતે “યોર કરિયર ઇસ યોર કેનવાસ- પેઈન્ટ આઇ.ટી. વિથ પર્પઝ”ની થીમ આધારિત કારકિર્દી માર્ગદર્શન સેમિનારનું આયોજન કરવામાં આવ્યું હતું. જેમાં ધોરણ ૧૦, ૧૧ અને ૧૨ ના કુલ ૨૪૨ વિદ્યાર્થીઓ ઉત્સાહપૂર્વક સહભાગી થયા હતા.
આ પ્રસંગે જિલ્લા મહિલા અને બાળ અધિકારી ડૉ. જનકસિંહ ગોહિલે વિદ્યાર્થીઓને પોતાની પસંદગીના ક્ષેત્રમાં હિંમતથી આગળ વધવા અને સપનાઓને સાકાર કરવા પ્રેરિત કર્યા હતા.
બાળ વિકાસ યોજના અધિકારી–ICDS, ઉપલેટા ઉર્વશીબા જાડેજાએ જે કામ કરવાથી સંતોષ મળે તેવું ક્ષેત્ર કારકિર્દી માટે પસંદ કરવાની માહિતી આપી હતી.
મદદનીશ નિયામક–રોજગાર કચેરીના કરિયર કાઉન્સેલર શ્રી રાજેશભાઈ ચૌહાણે PPT દ્વારા ધોરણ ૧૦ અને ૧૨ પછી ઉપલબ્ધ વિવિધ કારકિર્દી વિકલ્પોની વિસ્તૃત માહિતી આપી હતી.
આ પ્રસંગે વિદ્યાર્થીઓને કારકિર્દી માટે ઉપયોગી બુકલેટ, પેમ્ફલેટ, નોટપેડ,પેન કીટનું વિતરણ કરવામાં આવ્યું હતું.
આ પ્રસંગે જિલ્લા શિક્ષણ અધિકારી કચેરી, રાજકોટના શાળા સલાહકાર શ્રી ભાવનાબેન ભોજાણી, માતૃશ્રી વી.બી. મણવર–ડુમિયાણીના ટ્રસ્ટી શ્રી સવિતાબેન મણવર, કેમ્પસ ડાયરેક્ટર શ્રી ઘનશ્યામસિંહ ગોહિલ, શિક્ષકશ્રી હરિભાઈ વાળા સંકલ્પ – District Hub for Empowerment of Women (DHEW)” ના ડીસ્ટ્રીકટ મિશન કો- ઑર્ડીનેટર જેવીના માણાવદરીયા, જેન્ડર સ્પેશિયાલિસ્ટ શ્રી તપન નથવાણી સહિતના વિદ્યાર્થીઓ ઉપસ્થિત રહ્યા હતા.
