અરવલ્લી
અહેવાલ : હિતેન્દ્ર પટેલ
અરવલ્લી જિલ્લામાં વરસાદની ધમાકેદાર એન્ટ્રી,અંબાજી જતા પદયાત્રીઓ ને હાલાકી : મેઘરજ, માલપુર, મોડાસા, શામળાજીમાં ધોધમાર વરસાદ
મેઘરજના પંચાલ રોડ તેમજ આંબાવાડી વિસ્તારમાં પાણી ભરાયા, રોડ પર પાણી પાણી
અરવલ્લી જિલ્લાની અંદર એક દિવસના વિરામ બાદ જિલ્લાના વિવિધ વિસ્તારમાં ધોધમાર વરસાદ વરસ્યો હતો જેને લઈને આજરોજ બપોરના સમયથી અચાનક જ વાતાવરણમાં પલટો આવતા મેઘરજ તાલુકાના ગ્રામ્ય વિસ્તારની અંદર ધોધમાર વરસાદ ખાવતું હતું જેની અંદર અડધો કલાકમાં બે ઇંચ જેટલો વરસાદ કાપ્યો હતો જ્યારે સાંજના સમયે જ અચાનક ફરીથી વરસાદી માહોલ સર્જાતા જિલ્લાના માલપુર મેઘરજ શામળાજી પંથકમાં વરસાદે ધમાકેદાર બેટિંગ કરી હતી ને ઠેર ઠેર પાણી ભરાયેલા જોવા મળ્યા હતા.
રસ્તાઓ પર નદી જેવા દ્રશ્યો સર્જાયા હતા જ્યારે ખેતરોની અંદર પણ પાણી ભરાયા હતા તેમજ શામળાજી વિસ્તારની અંદર મંદિર તરફ જવાતા માર્ગ પર વરસાદી પાણી ભરાતા વાહન ચાલકોની મુશ્કેલીનો સામનો કરવાનો વાળો આવ્યો હતો મેઘરજ વિસ્તાર તરફ થી અંબાજી જતા પદયાત્રીઓ ને હાલાકી પડી રહી છે. બીજી તરફ મેઘરજ તાલુકા ની અંદર ધોધમાર વરસાદ વચ્ચે વીજીબીલીટી પણ ઘટી હતી અને વાહન ચાલકોની મુશ્કેલીનો સામનો કરવાનો વારો આવ્યો હતો. માલપુર ની અંદર પણ વરસાદે ધોધમાર બેટિંગ કરી હતી જેના કારણે ગણેશ પંડાલ ની અંદર પાણી ભરાયા હતા તો ક્યાંક રસ્તા ઉપર નદી જેવા દ્રશ્ય જોવા મળે હતા. આમ એકંદરે અરવલ્લી જિલ્લાની અંદર વિવિધ વિસ્તારમાં ધોધમાર વરસાદ ખેડૂતોમાં ખુશી જોવા મળી હતી તેમજ નદી ચેક ડેમો સહિત અનેક વિસ્તારોમાં પાણીની સારી એવી આવક જોવા મળી હતી.મેઘરજના આંબાવાડી વિસ્તાર તેમજ પંચાલ રોડ પર પાણી ભરાયા, ઠેર ઠેર પાણી પાણી
