અહેવાલ
અરવલ્લી :હિતેન્દ્ર પટેલ
મોડાસા : 3.50 કરોડ રૂપિયાના માતબર ખર્ચે સ્પોર્ટ્સ સંકુલ બનાવવામાં આવ્યું, છેલ્લા 5 વર્ષથી આ સંકુલ બિનઉપયોગી બની રહ્યું
અરવલ્લી જિલ્લા ના મુખ્ય શહેર મોડાસા નગરના માં આવેલા સર્વોદય વિસ્તાર નાં બાળકો રમતગમત ક્ષેત્રે આગળ વધી શકે તે માટે વર્ષ 2019 માં 3.50 કરોડ રૂપિયાના માતબર ખર્ચે સ્પોર્ટ્સ સંકુલ બનાવવા માં આવ્યું હતું પરંતુ છેલ્લા 5 વર્ષથી આ સંકુલ બિનઉંપયોગી બની રહેતા સ્થાનિકો પણ નગરપાલિકા દ્વારા કરવામાં આવેલા કરોડો રૂપિયા નો ખર્ચ ધૂળભેગો થયો હોય તેવું લાગી રહ્યું છે
ગુજરાત સરકાર ની થીમ છે કે રમશે ગુજરાત તો જીતશે ગુજરાત ત્યારે આ થીમ અરવલ્લી જિલ્લામાં ધૂળ ખાઈ રહી છે વાત કરવામાં આવે તો અરવલ્લી જિલ્લાના મોડાસા ના સર્વોદય નગર તેમજ આસપાસ નાં વિસ્તારના રમતપ્રિય બાળકો અને યુવાનો ને બાસ્કેટબૉલ, લોન્ગ ટેનિસ, ટેબલ ટેનિસ સાહિતની આઉટડોર ગેમ્સ અને ઇનડોર ગેમ્સ ની પ્રેક્ટિસ કરી શકે તેમજ યુવાનો અને યુવતીઓ ની ફિટનેસ ઝડવાઈ રહે તે માટે સાડા ત્રણ કરોડ રૂપિયા કરતા વધુ રકમનો ખર્ચ કરી મોડાસા નગરપાલિકા દ્વારા સ્પોર્ટ્સ સંકુલ બનાવવા માં આવ્યું હતું જેનું લોકાર્પણ વર્ષ 2019માં તત્કાલીન નાયબ મુખ્યમંત્રી નીતિનભાઈ પટેલે કર્યું હતું. પરંતુ આ સંકુલ છેલ્લા ઘણા સમયથી નકામું બની રહ્યું છે, આ સંકુલ માં બનાવવામાં આવેલી બાસ્કેટબૉલ કોર્ટ, ટેનિસ કોર્ટ તદ્દન બિસ્માર બની ગઈ છે જ્યાં જુઓ ત્યા ઝાડી ઝાંખરા ઉગી નીકળ્યા છે, બીજી તરફ ઇન્ડોર ગેમ્સ માટે નો હોલ પણ બિન ઉપયોગી બની રહ્યો છે, આ સ્થિતિ જોતા કરોડો રૂપિયા ખર્ચી ને બનાવવામાં આવેલું સ્પોર્ટ્સ સંકુલ હાલના તબક્કે બિન ઉપયોગી બની રહ્યું છે
મોડાસા નાં સર્વોદય નગર વિસ્તારમાં વર્ષ 2019માં બનાવવા માં આવેલા સ્પોર્ટ્સ સંકુલ ની ગેમ્સ માટે કોચ અને પ્રશીક્ષકો માટે પાલિકા તંત્ર દ્વારા શોધખોળ શરૂ કરવામાં આવી હતી ત્યારે નગરપાલિકા એ સ્પોર્ટ્સ સંકુલ ચલાવવા ટેન્ડર પ્રક્રિયા પણ કરી હતી પરંતુ ટેન્ડર ભરનાર એજન્સી દ્વારા સંકુલ ચાલુ કરવા યોગ્ય રસ ન દાખવાત સ્પોર્ટ્સ સંકુલ કાર્યરત કરી શકાયું ન હતું. આગામી દિવસોમાં નગરપાલિકા દ્વારા સંકુલ શરૂ કરવા ની નિયમ અનુસાર કાર્યવાહી કરવા મોડાસા નગરપાલિકા મક્કમ છે આગામી દિવસો માં ટેન્ડર પ્રક્રિયા હાથ ધરવામાં આવશે જો ટેન્ડર લેવામાં આવશે નહીં તો આગામી સમય માં સ્પોર્ટ ઓથોરેટી ઓફ ગુજરાત ને સોંપવામાં આવશે તેવું નગરપાલિકા ચીફ ઓફિસરે જણાવ્યું હતું
