🐝 ગુંદાલા-રતાડિયા માર્ગ પર ઝેરી મધમાખીનો આતંક, ૨૦થી વધુ ડંખનો ભોગ; માર્ગ બંધ કરી ફોરેસ્ટ વિભાગને તાત્કાલિક પગલાં લેવા લોકમાંગ

POOJA THACKER3 hours agoLast Updated: November 25, 2025

176 1 minute read

રિપોર્ટ : પુજા ઠક્કર, મુંદરા – કચ્છ.

🐝 ગુંદાલા-રતાડિયા માર્ગ પર ઝેરી મધમાખીનો આતંક, ૨૦થી વધુ ડંખનો ભોગ; માર્ગ બંધ કરી ફોરેસ્ટ વિભાગને તાત્કાલિક પગલાં લેવા લોકમાંગ

રતાડીયા,તા.25: મુંદરા તાલુકાના ગુંદાલા ગામથી રતાડિયા જતા માર્ગ પર આવેલા વડવારા હોટેલ સુધીના વિસ્તારમાં છેલ્લા બે દિવસથી ઝેરી મધમાખીનો ઉપદ્રવ ચિંતાજનક રીતે વધી ગયો છે. આ મધમાખીના હુમલાના કારણે ગામના ૨૦ થી ૨૫ જેટલા લોકો ડંખનો ભોગ બન્યા છે. જેમાંથી આશરે ૧૦ જેટલા અસરગ્રસ્તોને વધુ સારવાર માટે તાલુકા કક્ષાની હોસ્પિટલમાં મોકલવાની ફરજ પડી હતી.

વધુ ગંભીર બાબત એ છે કે આ પૈકીના 2 વ્યક્તિઓ હજુ પણ ડૉક્ટરની સઘન નિગરાની હેઠળ સારવાર લઈ રહ્યા છે.

સ્થિતિની ગંભીરતા અને વધુ જાનહાનિ ન થાય તે માટે આગમચેતીના ભાગરૂપે ગુંદાલાથી રતાડિયા જતા મુખ્ય માર્ગ પરના પ્રવેશદ્વાર પર અવરજવર માટે આડસ ઊભી કરીને હાલ પૂરતો રસ્તો બંધ કરી દેવામાં આવ્યો છે. (તસવીરમાં પ્રવેશદ્વાર પર મૂકાયેલી આડસ જોઈ શકાય છે.) તંત્ર દ્વારા લોકોને તકેદારીના ભાગરૂપે પત્રીવાળા રોડનો ઉપયોગ કરવા માટે સલાહ આપવામાં આવી છે.

ગ્રામજનો અને સ્થાનિક લોકોની તંત્ર પાસે એક જ માગણી છે કે જનહિતને ધ્યાનમાં રાખીને વહેલી તકે ફોરેસ્ટ વિભાગ આ બાબતે તાત્કાલિક અને અસરકારક પગલાં ભરે જેથી લોકોને આ જીવલેણ મધમાખીના ત્રાસમાંથી મુક્તિ મળી શકે અને માર્ગ વ્યવહાર પુનઃ શરૂ થઈ શકે. આ સંકટને ટાળવા માટે તાત્કાલિક કાર્યવાહી અનિવાર્ય છે એવી લોકમાંગ છે.