🥳 બી.જે.એસ. ભુજ ચેપ્ટર દ્વારા બાળ મેળાનું સફળ આયોજન: બાળકોને ડિજિટલ યુગમાં સર્વાંગી વિકાસની તક!

POOJA THACKER2 hours agoLast Updated: November 21, 2025

2 1 minute read

રિપોર્ટ : પુજા ઠક્કર, મુંદરા – કચ્છ.

🥳 બી.જે.એસ. ભુજ ચેપ્ટર દ્વારા બાળ મેળાનું સફળ આયોજન: બાળકોને ડિજિટલ યુગમાં સર્વાંગી વિકાસની તક!

ભારતીય જૈન સંગઠન (BJS) ભુજ ચેપ્ટર દ્વારા પ્રમુખ શ્રી ધીરેનભાઈ શાહના નેતૃત્વ હેઠળ અને મેંગો ગ્લોબલ પ્રી સ્કૂલ, ભુજના આચાર્યા શ્રીમતી કેતનાબેન નાગડાના સહયોગથી, બાળદિન નિમિત્તે, ૧૪મી નવેમ્બરે “બાલ મેલા”નું ઉત્સાહભેર આયોજન કરવામાં આવ્યું હતું.

આ આનંદમય મેળામાં ૨૦૦થી વધુ ભૂલકાઓએ ઉત્સાહપૂર્વક ભાગ લીધો હતો. બાળકોને મોબાઈલ અને ટીવીથી દૂર રાખી, તેમના સર્વાંગી વિકાસને પ્રોત્સાહન આપવાના ઉદ્દેશ્ય સાથે ૩૦ પ્રકારની વિવિધ અને રસપ્રદ પ્રવૃત્તિઓ રાખવામાં આવી હતી. જેમાં બાળ ગીતો, વેસ્ટમાંથી બેસ્ટ, રેટિયો કાંતવું, ઓરીગામી અને શેરી રમતો જેવી પ્રવૃત્તિઓ મુખ્ય આકર્ષણનું કેન્દ્ર બની હતી.

બાળકોને વ્યવહારિક જ્ઞાન મળે તે હેતુથી વિવિધ સંસ્થાઓનો સહકાર લેવામાં આવ્યો હતો:

* 📮 પોસ્ટ ઓફિસ: બાળકોએ પોસ્ટકાર્ડ લખવાનો અનુભવ કર્યો.

* 🚒 ફાયર સ્ટેશન: ફાયર અને સલામતી અંગે સમજણ આપવામાં આવી.

* 👮‍♀️ શી પોલીસ: સારો સ્પર્શ અને ખરાબ સ્પર્શ વિષે જાગૃતિ અપાઈ.

* 🔨 કારીગર શાળા: બાળકોએ સુથારી કામ શીખ્યું.

* 🚦 ટ્રાફિક પોલીસ: રોડ સલામતીના નિયમોની સમજ આપવામાં આવી.

* 🩺 રેડ ક્રોસ ટીમ: ફર્સ્ટ એઇડ અને હાઇજીન વિષે માહિતી આપવામાં આવી.

આ ઉપરાંત, માટીના રમકડાં-પોટરી, ક્રિએટિવિટી ઝોન અને બાળકો દ્વારા સંચાલિત પોતાના સ્ટોલ પણ હતા, જેમને પ્રોત્સાહન આપવા માટે ગિફ્ટ પણ આપવામાં આવી હતી. ધન્વન્તરી શાળાના બાળકો દ્વારા પણ સ્વયં નિર્મિત વસ્તુઓનું પ્રદર્શન અને વેચાણ રાખવામાં આવ્યું હતું.

બીજેએસના મહામંત્રી શ્રી મનીષભાઈ નાગડાએ આભાર વ્યક્ત કરતા જણાવ્યું હતું કે, “આજના ડિજિટલ યુગમાં બાળકોને ટીવી અને મોબાઇલથી દૂર રાખવા તેમજ તેમના સર્વાંગી વિકાસ માટે આવા કાર્યક્રમો અત્યંત જરૂરી છે.” વાલીઓએ પણ મેળો નિહાળીને પોતાના બાળકોની ખુશી જોઈને આનંદ વ્યક્ત કર્યો હતો.

આ કાર્યક્રમને સફળ બનાવવામાં ઉપપ્રમુખશ્રી ડો. ઉમંગ સંઘવી, ડો. અમર મહેતા, મહામંત્રીશ્રી મનીષભાઈ નાગડા, ખજાનચીશ્રી રાજેશભાઈ શાહ, ભાવિનભાઈ દેઢિયા તથા મેંગો ગ્લોબલ પ્રી સ્કૂલના સ્ટાફ દ્વારા મહત્વપૂર્ણ યોગદાન આપવામાં આવ્યું હતું.