કેન્દ્રશાસિત પ્રદેશ લદ્દાખમાં એક મોટી દુર્ઘટનાના સમાચાર સામે આવ્યા છે. લેહથી પૂર્વ લદ્દાખ તરફ જઈ રહેલી બસ 200 મીટર ઊંડી ખીણમાં ખાબકી હતી. જ્યાં ડરબુક પાસે બસ ખાઈમાં પડતાં 6 લોકોના મોત થયા હતા. જ્યારે આ અકસ્માતમાં 27 થી વધુ લોકો ગંભીર ઈજાઓ થવા પામી છે.
આ અંગે મળતી માહિતી પ્રમાણે, જ્યારે બસને અકસ્માત થયો હતો. અને બસમાં ડ્રાઈવર સહિત 33 મુસાફરો સવાર હતા. અને આ બસ લેહના લેમડન સ્કૂલની હતી અને લેહથી ડરબુક તરફ જઈ રહી હતી. જ્યાં આ બસ ડુરબુક પહોંચતા પહેલા જ અકસ્માતનો ભોગ બની હતી. ઘાયલોને જિલ્લા હોસ્પિટલ એસએનએમ લેહમાં દાખલ કરવામાં આવ્યા છે. જો કે તેમાંથી કેટલાક લોકોની હાલત ગંભીર હોવાનું જાણવા મળ્યું છે.
આ અંગે લેહના કમિશનર સંતોષ સુકદેવાએ જણાવ્યું કે, મુસાફરોથી ભરેલી બસ લેહથી પૂર્વ લદ્દાખ તરફ જઈ રહી હતી. તે દરમિયાન આ બસ અકસ્માતનો ભોગ બની હતી. હાલમાં પોલીસ વિભાગની ટીમે રાહત કાર્યમાં જોડાઈ ગઈ છે. ઈજાગ્રસ્તો હોસ્પિટલમાં દાખલ કરવામાં આવ્યા છે. જ્યાં તબીબોની ટીમ સારવાર આપી રહી છે.
