ઉત્તર પ્રદેશના મુઝફ્ફરનગર જિલ્લામાં એક ચોંકાવનારો કિસ્સો સામે આવ્યો છે. અહીં એક મહિલા તેના પતિ અને ત્રણ બાળકોને છોડીને તેના ભાણીયા સાથે ભાગી ગઈ. પીડિત પતિએ તેની પત્નીની વાપસી અને તેની સલામતી માટે પોલીસને અપીલ કરી છે.
મુઝફ્ફરનગરના જનસથ કોતવાલી વિસ્તારના તિસાંગ ગામના રહેવાસી સોનુના લગ્ન 2013માં રીટા સાથે થયા હતા.બંનેને ત્રણ બાળકો છે અને અત્યાર સુધી તેમનું લગ્ન જીવન સામાન્ય રીતે ચાલી રહ્યું હતું. પરંતુ 19 માર્ચના રોજ રીટા અચાનક જ ઘરની બહાર નીકળી ગઈ હતી.
રીટાના ગુમ થયા પછી, સોનુએ તેને શોધવાનું શરૂ કર્યું, પરંતુ ઘણા દિવસો સુધી તેનો કોઈ પત્તો લાગ્યો નહીં. બાદમાં જાણવા મળ્યું કે રીટા મેરઠ જિલ્લાના મવાના પોલીસ સ્ટેશન વિસ્તાર હેઠળના રપ્પન ગામમાં તેના ભાણીયા મોનુ સાથે રહે છે. સોનુનો આરોપ છે કે રીટાનું તેની સાથે અફેર ચાલતુ હતું, જેના કારણે તે ઘર છોડીને તેની સાથે ભાગી ગઈ. રીટા પોતાની સાથે 40,000 રૂપિયા રોકડા અને કેટલાક કિંમતી ઘરેણાં પણ લઈ ગઈ.
સોનુની ફરિયાદ પર, પોલીસે તાત્કાલિક કાર્યવાહી કરી અને રીટા અને મોનુની મવાના પાસેથી ધરપકડ કરી લીધી. રીટા પુખ્ત વયની હોવાથી, પોલીસે તેને ઘરે પાછી મોકલવાને બદલે તેના પરિવારને સોંપી દીધી. પણ સોનુ કહે છે કે રીટા હજુ પણ મોનુના ઘરે રહે છે. આ પછી, સોનુ 19 એપ્રિલ 2025 ના રોજ મુઝફ્ફરનગરના SSP કાર્યાલય પહોંચ્યો અને તેની પત્નીને પરત કરવા અને તેની સુરક્ષાની માંગ કરી.
સોનુ કહે છે કે તેના ત્રણ બાળકો છે તેથી તે ઇચ્છે છે કે તેની પત્ની પાછી આવી જાય, બાળકો તેની માતા વિના પરેશાન છે. તે બાળકોના ભવિષ્યની ચિંતા કરે છે અને ઈચ્છે છે કે રીટા ઘરે પાછી આવે. આ ઉપરાંત, સોનુને રીટા અને મોનુથી પણ પોતાના જીવનો ડર છે. મેરઠમાં બનેલી એક ઘટનાનો ઉલ્લેખ કરતા તેણે કહ્યું કે તેને ડર છે કે તેની સાથે પણ કંઈક અપ્રિય ઘટના બની શકે છે.
મુઝફ્ફરનગર પોલીસનું કહેવું છે કે રીટા પોતાની મરજીથી મોનુ સાથે રહે છે. તે પુખ્ત હોવાથી, પોલીસે તેને તેના પરિવારને સોંપી. જોકે, સોનુની નવી ફરિયાદ બાદ પોલીસે આ મામલાની તપાસ શરૂ કરી દીધી છે. પોલીસે ખાતરી આપી છે કે તેઓ આ મામલાની સંપૂર્ણ તપાસ કરશે અને યોગ્ય કાર્યવાહી કરશે.
