વાત્સલ્યમ સમાચાર પ્રવિણભાઇ ચૌહાણ વાવ થરાદ
થરાદ, વાવ થરાદ જિલ્લામાં નશીલા પદાર્થોના દૂષણને ડામવા માટે જિલ્લા પોલીસ વડાની ‘ઝીરો ટોલરન્સ’ નીતિ હેઠળ થરાદ પોલીસે મોટી સફળતા મેળવી છે. થરાદ શહેર વિસ્તારમાંથી બે શખ્સોને મેકેડ્રોન (MD) ડ્રગ્સના જથ્થા સાથે રંગેહાથ ઝડપી પાડવામાં આવ્યા છે.
ગુપ્ત માહિતીના આધારે ઓપરેશન
થરાદ પોલીસ મથકના પીઆઈ (PI) એ . ટી. પટેલે જણાવ્યું હતું કે, ટાઉન બીટના ઇન્ચાર્જને ખાનગી રાહે બાતમી મળી હતી કે બે શખ્સો શહેરમાં ડ્રગ્સના વેચાણ માટે આવી રહ્યા છે. આ માહિતીના આધારે પોલીસે વોચ ગોઠવી બંને શખ્સોને આંતરી લીધા હતા. તેમની તલાશી લેતા તેમની પાસેથી પ્રતિબંધિત નશીલો પદાર્થ મળી આવ્યો હતો.
જપ્ત કરાયેલ મુદ્દામાલની વિગત
પોલીસે આરોપીઓ પાસેથી નીચે મુજબનો મુદ્દામાલ જપ્ત કર્યો છે:
મેફેડ્રોન ડ્રગ્સ: ૨.૩૨૦ ગ્રામ (કિંમત અંદાજે ₹૬,૯૬૦)
કુલ મુદ્દામાલ: ₹૮૧,૯૬૦ (ડ્રગ્સ અને અન્ય સાધન-સામગ્રી સહિત)
ઝડપાયેલા આરોપીઓ
૧. સુજલ યાસીનભાઈu સિપાહી (રહે. ઘોરવાસ, થરાદ)
૨. સાહિલ ગનીભાઈ ગાંચી (રહે. પંચવટી, થરાદ)
કડક કાર્યવાહીના સંકેત
ઝડપાયેલા બંને આરોપીઓ વિરુદ્ધ NDPS એક્ટ હેઠળ ગુનો નોંધી કાયદેસરની કાર્યવાહી હાથ ધરવામાં આવી છે. આ ડ્રગ્સનો જથ્થો ક્યાંથી લાવવામાં આવ્યો હતો અને કોને સપ્લાય કરવાનો હતો તે દિશામાં વધુ તપાસ SOG PI એ.જી. રબારી ચલાવી રહ્યા છે.
થરાદ પોલીસે આ માધ્યમથી અસામાજિક પ્રવૃત્તિઓ કરતા તત્વોને કડક ચેતવણી આપી છે કે, પોલીસ કોઈ પણ ગુનેગારને છોડશે નહીં અને આવી પ્રવૃત્તિઓ કરનારાઓએ સુધરી જવું જોઈએ….
