લવાણાના તેજપાલભાઈ જૈન દ્વારા પાલનપુર વૃંદાવન હોસ્પિટલમાં ગરમ ધાબળાંનું માનવતાપૂર્ણ વિતરણ

PRAVIN CHAUHANJanuary 7, 2026Last Updated: January 7, 2026

2 Less than a minute

વાત્સલ્યમ સમાચાર પ્રવિણભાઈ ચૌહાણ વાવ થરાદ

આજરોજ લાખણીના લવાણા નિવાસી તેજપાલભાઈ જૈન તેઓની ધર્મપત્નીની સારવાર અર્થે પાલનપુરની ખાનગી હોસ્પિટલમાં ગયેલા હતા. આ દરમ્યાન તેમણે માનવતાનું ઉત્તમ ઉદાહરણ રજૂ કરતાં પાલનપુર સ્થિત વૃંદાવન હોસ્પિટલ ખાતે દર્દીઓ અને જરૂરિયાતમંદો માટે ગરમ ધાબળાંનું વિતરણ કર્યું હતું.

આ સેવા કાર્ય દરમિયાન ડો. આશાબેન જે. પટેલ તથા હોસ્પિટલનો સ્ટાફ હાજર રહ્યો હતો. ખાસ ઉપસ્થિતિમાં તેજપાલભાઈ જૈન, દિનાબેન જૈન, જીલ જૈન અને નિશાબેન ગોસ્વામીની હાજરીમાં ધાબળાંનું વિતરણ કરવામાં આવ્યું હતું.

આ માનવસેવા બદલ હોસ્પિટલના સ્ટાફ દ્વારા તેજપાલભાઈ જૈનનો આભાર વ્યક્ત કરવામાં આવ્યો હતો. તેમના આ કાર્યથી દર્દીઓમાં હર્ષ અને સંતોષની લાગણી જોવા મળી હતી અને સમાજમાં માનવતા તથા સેવા ભાવનાને પ્રોત્સાહન મળ્યું હતું.