વાત્સલ્ય સમાચાર આસીફ લુણાવાડા
જિલ્લા મેજીસ્ટ્રેટ દ્વારા કડાણા ડેમનો જળ વિસ્તાર પ્રતિબંધિત વિસ્તાર તરીકે જાહેર કરવામાં આવે છે
કડાણાડેમના ઉપરવાસના જળ વિસ્તાર રાજસ્થાન રાજયના ડુંગરપુર અને બાંસવાડા જિલ્લાના અંતરીયાળ વિસ્તારને અડીને આવેલ હોવાથી આ જળ માર્ગે માણસોની અવર જવર થાય છે અને આ જળમાર્ગેથી દેશી અને વિદેશી દારૂની હેરાફેરી થવાની શકયતા રહેલ છે.જેથી લોકસભા સામાન્ય ચૂંટણી-૨૦૨૪ દરમ્યાન જિલ્લામાં આદર્શ આચારસંહિતા અને કોઈ પણ પ્રકારની સુલેહ શાંતિનો ભંગ ન થાય, જાહેર સલામતી, કાયદો અને વ્યવસ્થા જળવાઈ રહે તે માટે કડાણા ડેમની ઉપરવાસના જળ વિસ્તારમાં શંકાસ્પદ માણસોની અવર જવર રોકવા સારૂ કડાણા ડેમનો જળ વિસ્તાર પ્રતિબંધિત વિસ્તાર તરીકે જાહેર કરવો જરૂરી જણાય છે. જેથી જિલ્લા મેજીસ્ટ્રેટ નેહા કુમારી દ્વારા જાહેરનામું બહાર પાડવામાં આવ્યું છે કે,કડાણા ડેમની ઉપરવાસના જળ વિસ્તારમાં શંકાસ્પદ માણસોની અવર જવર અટકાવવા માટે કડાણા ડેમનો જળ વિસ્તાર પ્રતિબંધિત વિસ્તાર તરીકે જાહેર કરવામાં આવે છે.આ હુકમનો ભંગ કરનાર ભારતીય દંડ સંહિતા,૧૮૬૦ની કલમ-૧૮૮ હેઠળ સજાને પાત્ર થશે.
ગુજરાતમાં બની બિહાર જેવી ઘટના ? ભાજપ અગ્રણીના પુત્રે લોકશાહીનું હનન કર્યું !!!
