તા.૦૪.૦૭.૨૦૨૫
વાત્સલ્યમ્ સમાચાર
અજય સાંસી દાહોદ 
Garbada:ગરબાડા તાલુકાના વજેલાવ પ્રાથમિક આરોગ્ય કેન્દ્ર ખાતે આરકેએસકે પ્રોગ્રામ અંતર્ગત એડોલેસન્ટ હેલ્થ એન્ડ વેલનેસ ડે ની ઉજવણી કરાઈ
દાહોદ જિલ્લાના ગરબાડા તાલુકામાં આવેલ વજેલાવ પ્રાથમિક આરોગ્ય કેન્દ્ર ખાતે મુખ્ય જિલ્લા આરોગ્ય અધિકારી ડૉ.ઉદય ટીલાવતના માર્ગદર્શન હેઠળ તથા મેડીકલ ઓફીસર ડૉ. રંજન હિહોરના અધ્યક્ષ સ્થાને આર. કે .એસ. કે પ્રોગ્રામ અંતર્ગત એડોલેસન્ટ હેલ્થ એન્ડ વેલનેસ ડે દિવસની ઉજવણી કરવામાં આવી હતી.જે દરમ્યાન પોષણયુક્ત આહાર, એનિમિયા તેમજ આર્યનફોલિક ની ગોળીઓ વિશે, માસિક દરમિયાન થતી તકલીફો તેમજ માસિક સ્વચ્છતા વિશે, સિકલસેલ /એચ આઈ વી /ટી બી વિશે, લગ્ન કરવાની ઉંમર વિશે અને રોડ સેફટી વિશે પણ સમજાવવામાં આવ્યું હતું.એ સાથે તમાકુથી થતા નુકશાન વિશે ઊંડાણપૂર્વક માહિતી આપવામાં આવી હતી. તેમજ વાહકજન્ય રોગો અને ચેપી અને બિન ચેપી રોગ વિષે માર્ગદર્શન આપવામાં આવ્યું હતું. આ દરમ્યાન તમામ પીયર એજયુકેટર ને આઈ કાર્ડ ફાઈલ ટીશર્ટ ટોપી બોટલ પેન સ્કૂલ બેગ કંપાસ બોક્ષ કિશોરીઓને સેનેટરી પેડનું વિતરણ કરવામાં આવ્યું હતું.આ નિમિતે પ્રાથમિક આરોગ્ય કેન્દ્રના મેડીકલ ઓફીસર, એડોલેસન્ટ કાઉન્સેલર વર્ષા બેન મછાર, CHO તેમજ તમામ સ્ટાફ ઉપસ્થિત રહ્યા હતા
