અમરેલી જીલ્લા ના બગસરા 108 ની ટીમે રૂપિયા 70 થી 80 હજારની રોકડ રકમ પરત કરી.*
પ્રમાણિકતા ક્યાંય વેચાતી નથી મળતી
*યોગેશ કાનાબાર રાજુલા
માનવ સેવા સાથે પ્રમાણિકતા નું ઉત્તમ ઉદાહરણ | અકસ્માતમાં ઘાયલ દર્દીનો સામાન બગસરા 108 ના કર્મીઓએ સ્વજનોને સોંપ્યો*
*અમરેલી જીલ્લા ના બગસરા 108 ની ટીમે રૂપિયા 70 થી 80 હજારની રોકડ રકમ પરત કરી.*
બગસરાના માણેકવાડા થી ભલગામ વચ્ચે રસ્તાની ગોળાઈ મા મોટરસાયકલ સ્લીપ થતા અકસ્માતમાં વિસાવદરના ઘોડાસણ ગામ ના ધીરુભાઈ માનજીભાઈ (50) ઘાયલ થતા તેમની સારવાર સાથે તેમનો કિંમતી સામાન સાચવીને રાખ્યો હતો.
રાજ્ય સરકારની 108 ની સેવા સંખ્યાબંધ લોકોને ત્વરિત તબીબી સેવા પૂરી પાડી નવજીવન આપતી હોવાથી વિશ્વાસ અને ચોક્કસાઈનો પયાર્ય બની ગઇ છે. જાહેર માર્ગો પર અકસ્માતમાં ઘાયલ વ્યક્તિને સારવાર આપતા સમયે તેમની સાથે કોઈ સગા સંબંધી હાજર નહીં હોય તે પરિસ્થિતિમાં તેમની પાસે રહેલ કિંમતી મુદામાલ સાચવીને રાખી લેવામાં આવે છે. જે દર્દીના પરિવારજનોને રૂબરૂ બોલાવી 108 ની ટીમ દ્વારા પરત કરાય છે. 108 ની ટીમ દ્વારા સારવારની સાથો-સાથ ફરજનિષ્ઠ કર્મીઓ દ્વારા તેમની સાથેના કિંમતી વસ્તુઓ સોંપવાનો એક પ્રેરણાત્મક કિસ્સા વિશે વિગત આપતા 108 ટીમના અમરેલી જિલ્લાના અધિકારી અમાનતઅલી નકવી એ જણાવ્યું હતું કે,આજ રોજ માણેકવાડા થી ભલગામ વચ્ચે રસ્તાની ગોળાય મા મોટરસાયકલ સ્લીપ થવા થી દર્દી ને માથાના ભાગ મા ઈજા થવાથી અકસ્માત મા ઘવાયેલ બાઈક ચાલક ને સારવાર માટે 108 માં જાણ કરાઇ હતી.
108 મા જાણ થતાજ બગસરા 108 ની ટીમ ના ઈ.એમ.ટી. જલદીપભાઈ દોશી અને પાયલોટ ભાવેશભાઈ ગીડા સાથે ગણતરીની મિનિટોમાં જ ઘટનાસ્થળ પર પહોંચી ઘાયલ દર્દીને સારવાર પૂરી પાડી હતી. આ તકે તેઓને 108 એમ્યુલન્સ મારફત સારવાર આપી, અને બગસરા સરકારી હોસ્પિટલમા લઈ જવાયા હતા. ઈ.એમ.ટી. જલદીપભાઈ અને પાયલોટ ભાવેશભાઈ એ દર્દી ના પરિવારજનોને જાણ કરી સરકારી હોસ્પિટલ બગસરા ખાતે બોલાવી અંદાજીત રૂપિયા 70/- થી 80/- રોકડા, અને મોબાઇલ ફોન હોસ્પિટલમાં તેમના સગા ને સુપરત કરવામાં આવ્યા હતા,આ તકે ઘાયલના પરિવારજનોએ 108ની ટીમની સરાહનીય કામગીરીથી પ્રભાવિત થઈ આભાર માન્યો હતો. તેમજ આવી ઉત્કૃષ્ટ અને પ્રામાણિક કામગિરી કરવા બદલ 108 ના પ્રોગ્રામ મેનેજર દિલીપ સોલંકી અને અમરેલી જીલ્લાના 108 ના અધિકારી અમાનતઅલી નકવી દ્વારા ટીમ ને બિરદાવવામાં આવ્યા હતાં.
…..
