નરેન્દ્ર મોદીના જન્મદિવસ નિમિત્તે પંચમહાલ શહેરામાં નશા મુક્ત ભારત અને સ્વદેશી યુવા અભિયાન
પંચમહાલ શહેરા
નિલેશભાઈ દરજી શહેરા 
શહેરા: પંચમહાલ જિલ્લાના શહેરા ખાતે આવેલા બ્રહ્માકુમારીઝ સેવા કેન્દ્ર દ્વારા વડાપ્રધાન નરેન્દ્ર મોદીના જન્મદિવસ નિમિત્તે એક અનોખો કાર્યક્રમ યોજાયો હતો. ‘નશા મુક્ત યુવા અભિયાન’ અને ‘સ્વદેશી ભારત અભિયાન’ને વેગ આપવા માટે વિવિધ શાળાઓ અને બ્રહ્માકુમારીઝ સેવા કેન્દ્ર ખાતે કાર્યક્રમોનું આયોજન કરવામાં આવ્યું હતું.
આ કાર્યક્રમમાં બ્રહ્માકુમારીઝના બી.કે. રતન દીદીએ મોટી સંખ્યામાં લોકોને વ્યસનમુક્તિ માટે પ્રતિજ્ઞા લેવડાવી હતી. આ પ્રસંગે ઉપસ્થિત લોકોએ દેશના યુવાનોને નશાના દૂષણથી બચાવવા અને સ્વદેશી ઉત્પાદનો અપનાવવા માટે સંકલ્પ કર્યો હતો. આ પહેલનો મુખ્ય ઉદ્દેશ યુવા પેઢીને સાચી દિશા તરફ વાળવાનો અને એક સ્વસ્થ તથા સમૃદ્ધ સમાજનું નિર્માણ કરવાનો છે. આ કાર્યક્રમમાં ભાગ લેનાર સૌએ આ અભિયાનને સફળ બનાવવા માટે પોતાનો સહકાર આપવાની ખાતરી આપી હતી.
આ કાર્યક્રમ દ્વારા વડાપ્રધાનના જન્મદિવસની ઉજવણી સામાજિક જવાબદારી સાથે કરવામાં આવી, જે સમાજ માટે એક પ્રેરણાદાયી ઉદાહરણ પૂરું પાડે છે.
