સંકલિત બાળ વિકાસ સેવા યોજના મહિલા અને બાળ વિકાસ વિભાગ મહાનગરપાલિકા જૂનાગઢના ઉપક્રમે પ્રોજેક્ટ “પાપા પગલી” અંતર્ગત ભૂલકા મેળો તેમજ શ્રેષ્ઠ મુખ્યસેવિકા તથા શ્રેષ્ઠ આંગણવાડી કેન્દ્રના કાર્યકર તેમજ હેલ્પર બહેનોનો માતા યશોદા એવોર્ડ વર્ષ ૨૦૨૨-૨૩ તેમજ ટી. એચ. આર. તેમજ મીલેટ (શ્રી અન્ન) માંથી બનતી વાનગીઓનો પોષણ ઉત્સવ વર્ષ – ૨૦૨૫ કાર્યક્રમનું આયોજન કરવામાં આવ્યુ હતુ.કાર્યક્રમમાં આંગણવાડી કાર્યકર દ્વારા બનાવવામાં આવેલ લોકો ટી.એલ.એમ.નું પ્રદર્શન તેમજ ટી.એચ.આર. માંથી બનતી વિવિધ અને સ્વાદિષ્ટ વાનગીઓનું પણ નિદર્શન પણ યોજાયુ હતુ. ભૂલકા મેળા કાર્યક્રમના અનુસંધાને આંગણવાડી કેન્દ્રના નાના બાળકો દ્વારા બાળગીતની કૃતિઓ રજૂ કરવામાં આવી હતી. આ સમગ્ર કાર્યક્રમનો મુખ્ય હેતુ બાળકો તથા તેઓના વાલીઓને પોષણ વિશે સમજ, જ્ઞાન સાથે ગમ્મત અને સરકારશ્રીની વિવિધ યોજનાઓના લાભો વિષે લોકોને અવગત કરાવવાનું છે. જે અંગે ધારાસભ્ય શ્રી સંજયભાઈ કોરડીયા તેમજ સ્ટેન્ડિંગ કમિટીના ચેરમેન શ્રીમતિ પલ્લવીબેન ઠાકર દ્વારા કાર્યક્રમને અનુરૂપ પ્રસંગોચિત ઉત્બોધન આપવામાં આવ્યુ હતુ તેમજ તમામ ઉપસ્થિત મહાનુભાવોના વરદ હસ્તે માતા યશોદા એવોર્ડ વિતરણ તેમજ આંગણવાડીના બાળકો અને આંગણવાડીના કાર્યકર અને તેડાગર બહેનોને શ્રેષ્ઠ ટી.એલ.એમ. શ્રેષ્ઠ કૃતિઓને પણ વિવિધ પુરસ્કારો અને પ્રમાણપત્ર આપવામાં આવ્યા હતા.આ પ્રસંગે મહાનગરપાલિકા જૂનાગઢના કમિશનરશ્રી તેજસ પરમાર, શાસક પક્ષના નેતા શ્રી મનનભાઈ અભાણી, દંડકશ્રી કલ્પેશભાઈ અજવાણી, સમાજ કલ્યાણ સમિતિના ચેરમેન શ્રીમતી ચેતનાબેન ચુડાસમા તેમજ જૂનાગઢ શહેરી વિસ્તારના કોર્પોરેટરશ્રીઓ ઉપસ્થિત રહયા હતા.આ સમગ્ર કાર્યક્રમ આઈ.સી.ડી.એસ. શાખા મહાનગરપાલિકા જૂનાગઢના પ્રોગ્રામ ઓફિસરશ્રી ચેતન સોજીત્રા અને જિલ્લા તથા ઘટક જૂનાગઢ-૧ની ટીમ દ્વારા સફળતા પૂર્વક આયોજન કરાયુ હતુ.
રિપોર્ટર :અનિરૂધસિંહ બાબરીયા – કેશોદ
