🕊️ મુંદરામાં બ્રહ્માકુમારીઝ દ્વારા અલૌકિક શાંતિનો સંદેશ આપતી દિવ્ય રેલી યોજાઈ

રિપોર્ટ : પુજા ઠક્કર, મુંદરા – કચ્છ.

🕊️ મુંદરામાં બ્રહ્માકુમારીઝ દ્વારા અલૌકિક શાંતિનો સંદેશ આપતી દિવ્ય રેલી યોજાઈ 

મુંદરા,તા.24 : પ્રજાપિતા બ્રહ્માકુમારી ઈશ્વરીય વિશ્વ વિદ્યાલયના ગુજરાત ઝોન દ્વારા ઈશ્વરીય સેવાના ૬૦ વર્ષની સફળતાપૂર્વક પૂર્ણતાની ઉજવણી ‘ડાયમંડ જ્યુબિલી વર્ષ’ તરીકે કરવામાં આવી રહી છે. આ ભવ્ય ઉજવણીના ભાગરૂપે “બિલિયન મિનિટ્સ ઑફ પીસ અપીલ” પ્રોજેક્ટ હેઠળ બ્રહ્માકુમારીઝના મુંદરા સેવા કેન્દ્ર દ્વારા રવિવારના રોજ શહેરના મુખ્ય માર્ગો પર એક વિશેષ શાંતિયાત્રાનું આયોજન કરવામાં આવ્યું હતું. વહેલી સવારની ઠંડીની ઋતુમાં રાજયોગીની બ્રહ્માકુમારી સુશીલાદીદી દ્વારા શિવધ્વજ લહેરાવીને શરૂ થયેલી આ યાત્રામાં પવિત્ર સફેદ વસ્ત્રધારી સેંકડો બ્રહ્માકુમારી ભાઈ-બહેનો મૌનના મંત્ર સાથે શિસ્તબદ્ધ રીતે જોડાયા હતા. આ શાંતિયાત્રા માત્ર એક રેલી નહોતી પરંતુ વૈશ્વિક શાંતિ માટેનું એક આધ્યાત્મિક આહ્વાન હતું. તેમની આ અનોખી દિવ્ય શાંતિ રેલીએ મુંદરા-બારોઇના લોકોમાં એક આધ્યાત્મિક અને અલૌકિક અનુભૂતિ કરાવી હતી. જેણે શહેરના વાતાવરણને મધુર શાંતિથી ભરી દીધું હતું. બ્રહ્માકુમારીઝ દ્વારા સૌ ભાઈ-બહેનોને વિનંતી કરવામાં આવી છે કે તેઓ ૨૧ ડિસેમ્બર ૨૦૨૫ સુધી ચાલનારા આ “બિલિયન મિનિટ ઑફ પીસ અપીલ” પ્રોજેક્ટમાં સહયોગી બને. અંતે તમામ ભાઈ-બહેનોને પ્રસાદ આપી લોકોને અનુરોધ કરવામાં આવ્યો હતો કે તમારી પ્રાર્થના/મેડિટેશનની મિનિટો આપના નજીકના બ્રહ્માકુમારીઝ સેવાકેન્દ્રમાં નોંધાવી આ વૈશ્વિક અને આધ્યાત્મિક યજ્ઞમાં સહયોગી બની વિશ્વમાં શાંતિનો પ્રકાશ પ્રસારવામાં ભાગીદાર થશો.

.

વાત્સલ્યમ્ સમાચારમાં મુંદરા-કચ્છના સમાચાર/જાહેરાત આપવા માટે સંપર્ક કરો :

-પુજા ઠક્કર,

9426244508,

ptindia112@gmail.com

Sorry, there was a YouTube error.