HALVAD:હળવદના ચરાડવા ગામની સીમમાં પોલીસનો સપાટો: લક્ઝરી કારમાં થતી દારૂની હેરાફેરીનો પર્દાફાશ
HALVAD:હળવદના ચરાડવા ગામની સીમમાં પોલીસનો સપાટો: લક્ઝરી કારમાં થતી દારૂની હેરાફેરીનો પર્દાફાશ
હળવદ પોલીસ સ્ટેશનના સ્ટાફને મળેલી ચોક્કસ બાતમીના આધારે ચરાડવા ગામની સીમમાં સફળ દરોડો પાડી, વિદેશી દારૂના મોટા જથ્થા સાથે એક ઈનોવા કાર ઝડપી પાડવામાં આવી છે. પોલીસે કુલ ₹૮,૯૮,૪૦૦ નો મુદ્દામાલ જપ્ત કરી કાયદેસરની કાર્યવાહી હાથ ધરી છે.
મળતી માહિતી મુજબ ચરાડવા ગામની સીમમાંથી દેવળીયા રોડ પર એક સફેદ રંગની ઈનોવા કાર શંકાસ્પદ હાલતમાં પસાર થવાની છે. આ બાતમીના આધારે વોચ ગોઠવતા, GJ-12-BE-1111 નંબરની ઈનોવા કારને અટકાવી તલાશી લેવામાં આવી હતી.તલાશી દરમિયાન કારમાંથી અલગ-અલગ બ્રાન્ડની વિદેશી દારૂની કુલ ૧૧૮૮ બોટલો મળી આવી હતી.દારૂની કિંમત: ₹૩,૯૮,૪૦૦/-ઈનોવા કારની કિંમત: ₹૫,૦૦,૦૦૦/-કુલ મુદ્દામાલ: ₹૮,૯૮,૪૦૦/-પોલીસે દારૂનો જથ્થો અને વાહન કબજે કરી, કાર ચાલક વિરુદ્ધ પ્રોહિબિશન એક્ટ મુજબ ગુનો નોંધી તેની ધરપકડ કરવાની તજવીજ હાથ ધરી છે. આ દારૂનો જથ્થો ક્યાંથી લાવવામાં આવ્યો હતો અને કોને સપ્લાય કરવાનો હતો તે દિશામાં પોલીસે તપાસ તેજ કરી છે.
