સુપ્રીમ કોર્ટના ઝટકા બાદ અમેરિકાના રાષ્ટ્રપતિ ડોનાલ્ડ ટ્રમ્પે 10% વૈશ્વિક ટેરિફની જાહેરાત કરી
અમેરિકાના રાષ્ટ્રપતિ ડોનાલ્ડ ટ્રમ્પે સુપ્રીમ કોર્ટના નિર્ણય પછી પોતાની વેપાર નીતિને વધુ કડક બનાવવાનો સંકેત આપ્યો છે. તાજેતરમાં સુપ્રીમ કોર્ટે આપેલા ચુકાદામાં રાષ્ટ્રપતિ દ્વારા આંતરરાષ્ટ્રીય કટોકટી આર્થિક શક્તિ કાયદા (IEEPA) હેઠળ લગાવવામાં આવેલા કેટલાક ટેરિફને અમાન્ય ગણાવ્યા હતા. આ નિર્ણય બાદ ટ્રમ્પે સમગ્ર વિશ્વ પર વધારાના 10 ટકા ટેરિફ લગાવવાનો આદેશ જાહેર કર્યો છે.
વ્હાઇટ હાઉસ દ્વારા જાહેર કરાયેલી માહિતી અનુસાર આ નવો ટેરિફ 24 ફેબ્રુઆરીની રાત્રે 12:01 વાગ્યાથી અમલમાં આવશે અને આગામી પાંચ મહિના સુધી લાગુ રહેશે. ટ્રમ્પે જણાવ્યું કે, તેઓ 1974ના ટ્રેડ એક્ટની કલમ 122 હેઠળ આ પગલું ભરી રહ્યા છે. આ કલમ રાષ્ટ્રપતિને ચુકવણી સંતુલનમાં ગંભીર સમસ્યા ઉભી થાય ત્યારે 150 દિવસ સુધી 15 ટકા સુધીનો ટેરિફ લગાવવાની સત્તા આપે છે.
વ્હાઇટ હાઉસ દ્વારા જાહેર કરાયેલી માહિતી અનુસાર આ નવો ટેરિફ 24 ફેબ્રુઆરીની રાત્રે 12:01 વાગ્યાથી અમલમાં આવશે અને આગામી પાંચ મહિના સુધી લાગુ રહેશે. ટ્રમ્પે જણાવ્યું કે, તેઓ 1974ના ટ્રેડ એક્ટની કલમ 122 હેઠળ આ પગલું ભરી રહ્યા છે. આ કલમ રાષ્ટ્રપતિને ચુકવણી સંતુલનમાં ગંભીર સમસ્યા ઉભી થાય ત્યારે 150 દિવસ સુધી 15 ટકા સુધીનો ટેરિફ લગાવવાની સત્તા આપે છે.
ચુકાદા બાદ ટ્રમ્પે કોર્ટના નિર્ણયને “નિરાશાજનક” ગણાવ્યો. તેમણે જણાવ્યું કે, અમેરિકા સાથે અયોગ્ય વેપાર કરનાર દેશો માટે આ નિર્ણય સારા સમાચાર સમાન છે. તેમણે એ પણ દાવો કર્યો કે તેઓ પાસે હજુ પણ અન્ય કાનૂની વિકલ્પો છે, જેના માધ્યમથી તેઓ ટેરિફ નીતિને આગળ ધપાવી શકશે. ટ્રમ્પે સ્પષ્ટ કર્યું કે, હાલના રાષ્ટ્રીય સુરક્ષા સંબંધિત ટેરિફ, જેમ કે કલમ 232 અને 301 હેઠળ લાગુ કરાયેલા ટેરિફ, યથાવત રહેશે. સાથે સાથે તેમણે વધુ તપાસો શરૂ કરવાની વાત કરી, જેથી આવતા મહિનાઓમાં કેટલાક દેશો પર વધારાના શુલ્ક લગાવી શકાય.
આ નિર્ણયથી આંતરરાષ્ટ્રીય વેપાર ક્ષેત્રમાં ફરી તણાવ વધવાની શક્યતા છે. અગાઉ પણ ટેરિફની જાહેરાતો બાદ વૈશ્વિક બજારોમાં અસ્થિરતા જોવા મળી હતી. વેપાર નિષ્ણાતો માને છે કે લાંબા ગાળે આ પ્રકારના પગલાંથી વેપાર સંબંધોમાં તણાવ અને આર્થિક અસર બંને વધી શકે છે.
